Thuanthu Ruangzingnak

August 12
Zarhpi Ni

Thuanthu Ruangzingnak

Bible Siar Ding: Saam 22:1-24

Ziangahtile Pathian in kumkhua hmun dingih hram a bunmi, ruang a zingmi le a sakmi khuapi sung um dingah in hngak.
– Hebru 11:10

Na suahkehnak na pu le na pa ihsin thokin a lo hringtu na nu le na pa, nangmah le na nupi na fanau, ziangkim hmunkhat ah tuni tiangih na nunnak zalamtluan khi va ruat hnik aw. Ziangtluk ih thil danglam so an si thil fatebik thlengh awknak a um tikah.

Pathian cu thuanthu ruangzingtu engineer maksakbik (Architect of history) a si ih kan nunnak cu Amai’ tumtahmi par atak ih famkimtertu dingah ziangkim a sersiam thluh. Ziang hmuahhmuah hi Amah ih ruangzingmi hlir a si – leitlun thu le mi pakhat bulpak thu tontehnak pawl – ziangtinkim hi A hmin sunlawinak dingah a tuahmi an si.

Saam 22 hi Thukam Hlun sungih profet kamsang thusim sungnak zakhat lenglo lakih thu pakhat a si ve ih Messiah ih suahnak ding thu, a nun daan ding le a thihnak ding thu pawl a tarlang ciami a si. Cazinlam ihsin profet thusim famkimnak zingzoitu pawl cun himi hi Jesuh ih nunnak ah a cekci in a famkim thluh a si an ti.

Pathian in Jesuh Khrih ih suahnak ding thu, a nun daan ding ziangkim le a thihnak ding thu tiang kimcangzet in ruang a rak zing cia zo.

Zumtu thlarau nun ih mi pitling cun tuni leitlun ih thilcangmi pawl parah siseh, bulpak kan nunram ih thil cangmi pawl parah siseh, ttih le khur ih thinhar rero ding kan si lo. Ziangahtile tuni tucaan rori khal ah leitlun thuanthu ziangkim ruangzingtu le kilvengtu (controller) cu kan biakmi le kan renmi a nung Pathian a si ruangah!

Bawipa, Ka thuanthu le ka hrangih ruang i zing sakmi parih
rinnak i neither ruangah lungawithu ka lo sim.

Jesuh a veikhatnak ratnak dingih simciami prophecy a famkim ruangah ziangtinso tuni ah Pathian ih ka hrang ruangzingmi ka rinsan thei ding?

@ Ava Pennington

(Visited 36 times, 1 visits today)

Comments

comments

Comments

%d bloggers like this: