Thuanthu pawl

August 16
Tlawngkai Nili

Thuanthu pawl

Bible Siar Ding: Jeremiah 31:31-34

Nanmah hi kan ca nan si; mi hmuahhmuah theih ding le siar dingin kan thinlung ih nganmi ca nan si….cati ih nganmi a si lo, a nungmi Pathian ih Thlarau in nganmi a si.
2 Korin 3:2-3

“Ka nunnak cu kau/onmi cabu a si” timi catluan hin zumtu mi piangthar Christian taktak kan si hnu ahcun sullam hleice a nei. A thianghlimmi vanlam Cangantu (Author) Pathian Amah rori in kan thinlung sungah a ngan thokmi ca a si.

A pakhatnak ah, kan nun hlun (old life) ih rak um ciami cahmai hlun (old page) pawl can-ai ah ca thar cu airawl in a ngan. A thianghlim lomi ningzakza cafang pawl, hlom le tomsop ttheh zomi cahmai pawl in ka nunnak sungah aukio theinak huham zianghman an nei nawn lo. Cangantu kan Pathian in ahlan ih nganmi ca hlun pawl kha zianghman a ciingkeng nawn lo, a hngilh thluh. Cumi pawl can-ai ah, Amah in cahnah tthazet le tharte in pek, Amai’ sunlawinak thuanthu ngannak dingah!

Cun, Amah in kan thuanthu cu thulu (title) thar a pek saal: Christian – Khrih ih dungthluntu ti’n. Amah in A sung um thu (content) pawl a ngan, chapter pakhat hnu pakhat a dotdot in a ngan vingvo. A netnak ah, kan nunnak sung ihsin A thuanthu: ruahsannak, duhdawtnak, tlennak, le rualremter saalnak thuanthu mawite a ngan.

Kan thuantu thar a nganlai ah, kannih in thuanthu dung le hmai, a sau le a tawi, timi le zo pawl an tel ding timi cungcang ah ziangtal vun thlak ve theinak kan nei maw? Asilole tel ve theinak teh kan nei maw? Hnangamzet in kan cawl men, zianghman kan siar thluh hrih lo nain Amah in ziangti’n kan thuanthu a cemnet ding ti a thei a si.

Cungnungbik Bawipa, ka nunnak thuanthu thar na ngannak ah thu ka tam ti ka thei aw, Na cafung in a cemnet tiang Na duh vekin ngan dingah ka nun ka lo ap a si.

Ka nunnak sungih a ziangmi zawn ah Pathian hnenah thu ka tam ttheu?
A duh bangih ka thuanthu a ngan theinak dingah ziangti’n pum ka ap ding?

@ Ava Pennington

(Visited 34 times, 1 visits today)

Comments

comments

Comments

%d bloggers like this: