Thuanthu Famkim

July 2
Tlawngkai Nikhat

Thuanthu Famkim

Bible Siar Ding: Ruth 1:1-22

Pathian ih huham a nasatuk ih kan naih ngam lo; Dingzet le felzet in minung hnenah thu a rel.
– Job 37:23

Ka rualpi naibik pakhat cu thla nga sungah tuar harzetmi sunralnak a pehpeh in a tong. A pa in khensa (cancer) natnak in September thla ah a thihsan, ih a upa in October thla ah a thihsan lala. December thla ah a nupi cu medical checkup an tuah tikah cancer natnak a nei a si, an ti ih February thla ah a thihsan bet. Hih caan sungah cakuat pakhat a ngansuak ih a thulu ah “Job vekin ka tuar” a ti.

Naomi in himi pa ih tuarnak cu a theihthiam sakzet ding. Anih cu a pasal le a fapa pahnih thawn a suahseemnak khua taansan in a poksuak ih ramdang mi a fapa ih nupi pakhat thawn lawng a laihri tannak khua ah a ra kir leh saal. Amah le amah a zoh aw ih a nun cu kha fualfual le zianghman lo rori in a hmu aw. El Shaddai, A Cakmi Pathian cu a parih harsatnak le tuarharnak hlir thlentertu in a hmu.

Naomi in thuanthu famkim a thei thei ve lo. Ruth in a sungkhat mi pasal a nei dingih cumi innsang in a tar hnu ah an run zoh ttha ding timi a thei ngah hrih lo. A theih lomi um hrih cu Ruth ih tefasin cu David hrin rung si vingvo in Messiah ih suahnak cithlahtu ih a rung canglai ding timi thu pawl hi a si. El Shaddai Pathian in hih thuanthu pawl cu Naomi hnenah a rak simhlawm ve lo, asinan A huham cahnak le a daihcangnak cun Naomi ih nunnak hmangin A tumtahmi a famkimter a si.

Tuni ah, ka rualpa cun a tuarnatnak in a nun a cauter siang lo. Anih cun a neihmi Pathian kha ttha te’n a thei fiang. El Shaddai Pathian cun a nunnak thimkhawzing sung khal in A khuakhan lairelnak cu a famkimter thei thotho ding ti a thei.

El Shaddai, tuni ka hmuntonmi zate sung khal in Na huham le na daihcangnak lo rinsan ngam dingah i bawm hram aw.

Ziangmi in so El Shaddai ih thiltitheinak rinsan ding ai ah,
ka nunnak cu kha fualfo ih i theihtertu ding?

@ Ava Pennington

(Visited 28 times, 1 visits today)

Comments

comments

Comments

%d bloggers like this: