Thu Tthawnnak Ih Buainak

 

 

June 24 

Tlawngkai Nithum

 

 

 

Siar:

Rom 12:4-13

 

Kan ruangpi hi pakhat asinan taksa tthen tampi a um ih cuih taksa tthen pawl ih hnattuannak cu an bang aw lo. – Rom 12:4

 

Kumkhat Sung Baibal:

–   Job 1-2

–   Tirhthlah 7:22-43

 

Mi tampi in kan buaipimi cu thil tuah ding tthawn vingvonak hi a si. Alberta ih Calgary phunsaang tlawng zirhtu saya pa in hih thu hi kum 5 sung a zingzoi ih zatek 95% pawl in thil pakhat tuah lohli loin kan tthawn vingvo tiah a ti. Sumpai lam ttuannak pakhat in sumlut parih pek dingmi tax (akhun) an tthawn ttheu ruangah American rampi in kumtin dollar($) million 400 tluk an sung, tiah a ti. Phaannak ruangah ttuan loin kan tthawn vingvo ttheu.

 

Kawhhran sung khal ah thil tuah ding hngak hi buainak pakhat a si ve. Mi tampi in Pathian rian ding caan kan tthawn vingvo. Thuthangttha sim a ttul ti kan thei nain kan thinphaang ih kan tthuktthun. Kan neihmi talent kan rin ngam lo ruangah kawhhran cangvaihnak ah tel ngam loin kan tthawn vingvo. Kan tuah thiam lo pang ding ti kan phaang.

 

Rom 12 in tha in pek. Pathian rian ding hramthawhnak cu kan taksa ruangpumpi “A nungmi raithawinak” vekin pek awk hi a si (c.1). Thlacam awla Bawipa le a hnattuannak hrangah a thar in pumpek aw. Cuihsin kawhhran sungah midang in ziang an tuah timi zoh hngai awla tel ve aw. Thil fatete in thok awla tamdeuh ttuan thei vingvo dingin zuam aw.

 

Na kawhhran in nangmah rori a lo ttul. Ttuan hramthok loin na tthawn vingvomi lo neh sak dingah Pathian hnenah bomnak dil in thlacam aw.

 

Tuih sun ih na tuah theimi kha,

Thaisun tuah dingah tthawn hlah;

Tthawn vingvo ruangah riahsiatnak a suak thei,

Atu rori ah tuah lohli hi a tthabik.

 

A harhdammi kawhhran si dingah na thlarau laksawng hmang aw.

(Visited 29 times, 1 visits today)

Comments

comments

Comments

%d bloggers like this: