Thu Theihternak Dik

March 5

TlawngKai Ninga

Thu Theihternak Dik

Siar:

1 Thesalon 4:13-18

Ka u le ka nau tla, beiseinak zianghman nei lo ih riahsia in a um mi pawl vekin nan um lonak dingah, a thi cia mi pawl ih thuhla ah thutak nan theih ding hi kan duh a si.   -1 Thesalon 4:13

Kumkhat Sung Baibal:

Mipumsiarnak 34-36

–     Marka 9:30-50

Kan vanzam tomi a ttumnak ding minute 15 hrawng duh ah a mawngtu ih thuthanmi cu, “kan vanzam a siat, hnattuantu pawl in an tuahlai” a ti. Cumi hnu rei lote ah a than saal, “kan kir saal hrih a ttul ding” a ti. A sungih hnattuantu pawl in ziang a cang, ziangti’n a si ding? timi pakhat hnu pakhat in theihter ringring. A sungih totu pawl ih ttihphannak cu a dikzetmi thu in theihternak in a daiter.

Kum zabu pakhatlai ah Thesalon khua ih zumtu hrekkhat cun a thi zomi an duhdawt mi pawl Khrih a rat saal tikah hmu-aw nawn loin an hlo ta ding sihmang tiah an ruat ih an thinharzet. Curuangah Paul in hiti’n cakuat a ngan, “Ka u le ka nau tla, beiseinak zianghman nei lo ih riahsia in a um mi pawl vekin nan um lonak dingah a thi cia mi pawl ih thuhla ah thutak nan theih ding hi kan duh a si,” a ti (1Thes.4:13). Paul ih hnemnak a simmi thudik a theihter hngaimi in an thinharnak a daiter, ziangahtile thil lamdang a si. A thi cia mi pawl hrangah riahsia le ninghang ih an um rerolai ah Khrih a zumtu pawl cu an ton-awk saal ding thu beiseinak an nei thei.

Kan beidong caan ah ruahsannak le thazaang kan hmu thei ve. Ziangahtile Baibal in thudik in sim a si.

A ra saal ding! a thimi an tho saal ding,

Van ah Amah tong dingin cawiso kan si ding;

Cuih zumnak in ka thlarau a hna a ngam,

A ra saal ding.

Thihnak cu a netnak a si hrih lo, a laangte colh caan a si.

(Visited 27 times, 1 visits today)

Comments

comments

Comments

%d bloggers like this: