Thu Lehkirnak

February 16

Tlawngkai Nikhat

Thu Lehkirnak

 Siar:

1John 3:1-9

 Ka duhdawt mi pawl atu cu Pathian faate kan si zo. -1John 3:2

Kumkhat Sung Baibal:

          Puithiam 19-20

          Matthai 27:51-66

 Nikhat ah philosopher Arthur Schopenhauer (1788-1860) cu Berlin khua sungih hminthang Tier garden sungah leeng phah in a ruahnak rak buaiter ringringtu thawhkehnak le khaukhih thusuhnak napi in a ruat. “Zo na si?” “Khui ah na feh ding?” timi thu a si.

Hmuan kiltu pa in hnipuan ti hnuamhni in lukun ih nuam tetein a fehmi Schopenhauer cu inn le lo nei lo mi vakvai ah a ruat ih, “Zo na si? Khui ah so na feh ding?” tiah a sut. Schopenhauer in, “Ka thei lo, mi pakhatkhat in in sim thei hngai sehla ka duh nain?” tiah a let.

 Zo ka si? Khuitawk ah ka feh ding? timi thusuhnak in na thinlung a lo buaiter maw? Baibal sungah Pathian in hih thusuhnak a lehmi pawl hi ziangtluk kan hrangah thin hnangamnak so an si. Zo kan si? 1John 3 sungah John in a cakuat siartu pawl kha “Pathian ih faate” tiah a ko hngai (c. 2). Jesuh cu kan sualnak ihsin in Runtu a si tiah kan zumnak in Pathian ih faate ah kan cang (John 1:12). Khui ah so kan feh ding? John 14:1-6 ah nikhat ni ah amah in vancung ah amah ih remmi inn sungah in rak hmuak ding thu a sim.

 In Sersiamtu cu science le thuanthu cangantu lawng si loin nangmah le keimah thu a telmi Adam te innsaang ih thu hmuahhmuah ngantu khal a si. Curuangah a thulehnak kan ring thei.

                                                                                            Theih theinak dingah ka hna i ong aw,

Na simmi thudik aw a fiangzet;

Cuih aw thawm ka hna ih a theih tikah,

Thudik lo hmuah in an hlo ttheh ding.

Comments

comments

Comments

%d bloggers like this: