Thu Hnaihnok Remthatnak

October 15

Tlawngkai Nili

 

Thu Hnaihnok Remthatnak

 

Siar:

Filipi 4:1-9

 

Euodia le Sintekhe, nan hnenah zaangfah ka lo dil: Bawipa ih duhnak thlun in nan thinlung hmunkhat dingah zuam uh.      – Filipi 4:2

 

Kumkhat Sung Baibal:

–   Isaiah 45-46

–   1 Thesalon 3

 

Tuih ni hi ram tampi ahcun leitlun thubuai remtthat ni a si. An tumtahmi cu rem-aw lo ih umter ding hnakin rualremnak tuahtontu le thu relsaktu neih ding thapeknak a si. Khrih ih dungthluntu kan si vekin dodal awknak karhzaiter loin Bawipa ih sunlawinak dingah hnaihnoknak remtthat zir kan ttul.

           

Kawhhran sungih dodal awknak cu a ttha lobik a si, ziangahtile duhdawtnak le lungkhat te ih um duhnak a siatsuah thei. Khristian tampi cu zumtu pawl ih thin natternak ruangah an suak ih an kir nawn lo.

           

Euodia le Sintekhe cu Bible sungah an hmin ngankhum in rem aw dingah a ngen. “Bawipa ah nan thinlung hmunkhat ding zuam uh (Filipi 4:2). Anmah te taanta men loin a rinsan mi a hnattuanpi pawl hnenah hih nunau pahnih te ih thuhla bawm dingin a dil (c. 3). Cuvek in Paul in Filipi khua mi pawl hnenah an duhmi cu Pathian hnenah thlenh ding, thlacamnak in Pathian ih hnangamnak le umpinak a thlenter thei a si ti a theihter ih a ngen hngai (c. 9).

             

Khristian mibur lakih a kek a khingmi remttha ih pehtlaih awkternak cu zumtu mibur pi ttuanvo a si. Ruahnak bang awk lonak le thinnatternak sung ihsin thazaang kan pe thei, an thu kan ngaisak thei ih thla kan camsak thei a si.

 

Ruat saal aw

Kawhhran sungih lungrualnak thu Bible in ziangtin a sim? (Efe 4:1-16).

Unau dodalnak kan neih tikah ziang kan tuah a ttul? (Mtt 5:23-24; 18:15-17).    

 

Ngaidamnak cu pehtlaih awknak cat zomi erh ttha saaltu a si.

(Visited 25 times, 1 visits today)

Comments

comments

Comments

%d bloggers like this: