Thought For Today

Thought For Today

Leitlun ih na ra suah tikah, na tap asinan mitampi lungawinakin an khat, ziangah tile mipakhat nasi dingtin ruahsannak an nei. Na thanglian vivo, harsatnak le nuamnak phunkip na tawng. Mi hrangah ziangtluk na tuan timi cu nangmah in na theibik ding. Na thihtik ah na thuanthu ziangvek a si ding. Na ruank kiangah na rualpi tha le na unau pawlin ziangtin na thuhla an rel ding?  

Politician thenkhat pawl cu hrilawknak a naih tikah bawmnak a phunphun mi an pe, “Na dam tha maw”? tin mi an cibai, hrilawk a cem tikah an duhdawtnak leh anmi ngaihvennak a cemcih, mitampi mai hmazawn lawng ruat ih khawsa kan tam. Mi bawm a phan ih phang, hminthatnak le duh thotho si in! 

Na nitin caan hman daanah phunnawi theu hlah aw, ni tha in lungawinak a lo pe ih, ni thalo in zirnak a lo pe. An pahnih in a tul veve mi thil a si. Tikcu caan cu amah ten a feh ih zohman a tuahmaw dahlo, mi kip hrangah bangran ten a her liam. Lungawinak cu kan thinlungah a um, na duh le na lung na ti awi thei, na duhle na riah na tise thei, nangmah na thu a si.  

Zirnak timi tlawnginn lawngah a umlo, saya pawl hnen lawng khalah a umlo, rualpi cathiam pawl hnen khalah a um ce lo, nangmah ah a um. Zirnak hmun thabik cu nangmah na si, tlawnginn ah zirtum hlah nangmahten zir aw. Fimnak cu na kiang nai te ah a um.  

Ziangtluk in tlang sang a va si hmanah ziangtik hman ah ni a phen kumkhua lo ding. Mifim pakhat le mi pakhat ngai ngai na si ahcun nibang in midang in an lo phen thei cuanglo ding. Na kiangkap ah tlang vek in a lo sawiseltu le a lo dawn theu tu an um ding nan; ol aiten na lan thei ding. A tlunlamih cangan mi pawl khi ruahtlak in na thei ve maw???

(Visited 123 times, 1 visits today)

Comments

comments

Comments

%d bloggers like this: