Thongthiam Roling Muhammad Ali Dairial A Cang

13332782_1106684496055500_1160507026838754035_n (1)Leitlun khingrit thongthiam champion hlun le lahpannak khawvel ih theih hlawhbik pakhat a si mi Muhammad Ali (kum 74) cu Amerika Dingkhawm Ram, Arizona ramkulh ih Phoenix khawpi zato ah 2016 June 4 ah dairial a can thu BBC in a tarlang.

Thawthawtnak lam natnak le tha-khur nat rak tuar cia a si ih, a ruak vuinak hi Kentucky ramkulh ih amai’ khua a si mi Louisville ah tuah ding a si thu a innsang ih mi pakhat in a sim.

Suahkeh hmin Cassius Marcellus Clay a si mi Ali hi 1960 kum, Rome khawlipi ih Olympic ah khingrit-zangkhai thongawknak ih sui tacik a ngah ihsin a hmin a lar thok. “Mi Ropi Bik” ti ih an kawh ttheu mi Ali hin 1964 kum thotho ah Sonny Liston neh in leitlun khingrit thongthiam champion taikhap a run la thok.

Muhammad Ali ih Hlawhtlinnak pawl:
– 1960 kum Olympic ah khingrit-zangkhai thongawknak ah sui tacik.

– 1960 kum ihsin professional khawvel ah a lut ih 1964 ihsin 1967, 1974 ihsin 1978, le 1978 ihsin 1979 tiang leitlun khingrit champion taikhap cu a kut ah a ret thei.

– 1981 ih a cawlh tiang ah, professional khawvel ah thongawk puai 61 a tel ih 56 a neh (knockout in 37, zohfeltui’ thutluknak in 19), vei 5 a duai (zohfeltui’ thutluknak in 4 le a cawlh thu a phuan ttum)

Muhammad Ali hi leitlun lehpannaklam mekazin hminthang Sports Illustrated in “Zabi 20 ih Lektu Tthabik” sinak le BBC in “Zabi 20 ih Lehpannaklam Zohtthimtlak” sinak a rak pek mi a si.

Ref: BBC Sports & Sports Center

Sianglianuk Kianghrol

Comments

comments

Comments

%d bloggers like this: