Thomas Tikcu Caan

March 16

Tlawngkai Nikhat

Thomas Tikcu Caan

Siar: John 20:24-28

Thomas in, “Ka Bawipa le ka Pathian,” tiah a ti.    -John 20:28

Kumkhat Sung Baibal:          Daan. 28-29          Marka 14:54-72

A kum in upa a kim zomi mino pakhat cu a zumnak thu ah a buai rero. Nu le pa in duhdawtzet in Pathian thu thawn an cawmdawl nain kiangkap ruangah Bawipa hnen ihsin a pial. A nauhaklai ah Jesuh a thei na’n atu cu a zum nawn lo.

Nikhat ah amah thawn kan biak awk tikah, “Reipi Pathian na zum zo na’n atu ahcun Jesuh na theihnak le na zumnak na fiang aw nawn lo. Atulai fangte na nunnak hi Thomas tikcu caan ah na um ti ka lo sim duh,” tiah ka ti.

 Thomas cu dungthluntu 12 sungah pakhat a si ih kum tampi Khrih a rak zum ti a thei. Jesuh a thih hnu ah thlaan ihsin a tho saal ngaingai pei maw? tiah Thomas in a rinhlelh. Ni 8 a rei hnu ah Jesuh cu Thomas hnenah a lang. A hmaphe a hmuh ih zum loin um nawn hlah, zum aw, tiah a sim. A netnak ah a zum lonak a hlon ih Thomas in, “Ka Bawipa le ka Pathian,” tiah a ti (John 20:24-28).

Ka simmi cu: “Jesuh in thinsauzet in a hngak ih Thomas cu a ra kir saal. Nang khal na kir saal ve ding ka zum. Jesuh hnenah, “Ka Bawipa le ka Pathian,” na ti saalnak dingah thla ka lo cam sak ka ti.

Jesuh naih thei lo le rinhlelh in Thomas tikcu caan ah na um thei men? Jesuh in a lo hngak. Tlawngkhen ih an khennak a kut hmaphe tham aw.

                                                                                      Rinhlelh caan kan nei ko ding,

Kan zumnak hi ziang a si ti sut aw in;

Hmanseh Amah kan zum thei, in fingkhawi ti kan thei,

Baibal ih a phuan bangin kan Pathian cu thutak a si.

 

Pathian in A faate cu inn ihsin in hmuak ringring a si.

Comments

comments

Comments

%d bloggers like this: