Thluasuah Lungawi Peknak

January 25

Nipi Ni

 

Thluasuah Lungawi Peknak

 

Siar:

Mipumsiarnak 6:22-27

 

Bawipa in lo thluasuah in lo kilveng hram seh. – Mipum. 6:24

 

Kumkhat sung Baibal:

          Suahlannak 12-13

          Matthai 16

 

Kan kawhhran in khawm baan zawngah “Bawipa in lo thluasuah in lo kilveng hram seh! Bawipa cu nan parah zaangfahnak le lainatnak nei hram seh! Bawipa in a mit-hmai ttha lo pe in daihnak lo pe hram seh!” tiah pakhat le pakhat zoh aw phah in thluasuah kan pek awk tikah kan thinlung a nuam (Mipum 6:24-26).

 

Nipi Ni veikhat cu lungthawhnak a ra thleng ti ka thei. Ka hmailam ih tokham tluan ah Oscar le Marian Carlson te nupa an to, tthit-umnak kum 62 rei zomi zumtu tthazet an si. Thluasuah peknak kan hun saal thok vete’n Oscar in a nupi Marian ih kut a laak ih thluasuah lungawinak thu cu hmaiton ih zoh aw phah in an saal. An kiangnai ih ummi pawl in thawthang lo tein, duhdaw awzet le lungawi hmel thawn an zoh awk cu an mit sir tein an zoh cio.

 

Pakhat le pakhat thluasuah pek awknak cu a daan kel ih khawm baannak men a si lo; Pathian ih tthatnak midang in an co theinak dingih thlacam sak awknak a si. Cuti ih tuah a si tikah Oscar le Marian teih nupa cu sullam neizet in an lung a nuam. Midang thluasuah kan pek tikah Pathian in Khrih thihnak ihsin kan hrangah in tuahsakmi lungawinak kan langtermi a si (Heb. 13:10-21).

 

Bawipa, in thluasuah awla midang thluasuahtu i siter aw,

Na thuthangttha lungawi te’n ka phur ding;

A ttulzettu thlaraulam mifarah pawl bomtu dingah in hmang aw,

Midang hrang thluasuah i siter aw tuih ni ah.

 

Pathian in thluasuah in pek, midang hrangah thluasuah kan si ve thei.

Comments

comments

Comments

%d bloggers like this: