Thlisia India le Sri Lanka Khalah A hrang

India ram pi khal thlisia ih a nuai ruangah mi 100000 lenglo cun an umnak hmun suahsan in hmun himdam hawl in an vak.

India thlanglam ih thlisia ruangah mi pahnih an thi zo tiin tui thuthang ngan tiang ahcun theih a si.

Hi thlisia hi a caklam slm pakhat ah km 75 a hrang. Hi tiih a hran ruangah leikhal nasa zetin a min. Thlisia cun tipi cu a luangcak ter ih Tamil Nadu le Andhra Pradesh lam ahcun mipi vak suksonak harsa ding tiang khawpin khawpi sungah 1.5 m tluk ih sang in ti a khat.

Ralrin dingih thancia a si ruangah Chennai ih nauhak tlawng 282 khal an khar ih thilkuatnak long pawl khal suak lo dingin an kham thluh

Andrapradesh ih Nellore Distict pawl ih an sim dan ahcun mi 150000 lenglo in an umnak an tlansan tiin an sim.

Sri Lanka khalah thlisia hi a hrang ve ih mi pahnih in an thih phah zo ti a si. Sri Lanka ih Disaster Management Center ih a sim dan ahcun mi 4627 pawl in an umnak hmun an ti lawng zo ih, thing tlu le leimin nasa zetzet khal a um tiin an sim. Tilian ruangah mi 1000 lenglo laiih inn khal a ti siat zo tiin an sim bet.

(Visited 87 times, 1 visits today)

Comments

comments

Comments

%d bloggers like this: