Thlifim na hawp dah maw?

23-01-09: Thlifim na hawp dah maw? Mi tamsawn cun thlifim hawp hi a tha ti kan thei. Asinan, ziangtivekin a tha ti lawngte kan fiang mumul lo.

Kan dunglam kum reipi ihsi research tuah pawlih an zinzawng rero mi thlifim hawp thu cu tuini 23-01-09 ah leitlun hardamnak lam ih hnatuan Brigham Young University le Harvard School of Public Health pawl cun thlifim kan hawp tikah minung nunnak thla (5) in a ti sau thei tin an phuang.

Zan lamih a hrangmi thli pawl cun, hnawmhne le a rimsemi pawl a hran hloih zinglam ahcun tipithuanthu tlun ihsin thlifim te a hrang thawk theu tin an phuang.

Zinzawngtu pawl cun 1978-2001 lakah American mi 77 pawl cu thlifim an hawp ruangah thla 4-5 sung an dam saubet tin an sim.

Thlifim kan hawp tikah kan taksa zungzam zate in an rak thei. Thlifim hawp dahlo pawl cu an taksa khal a dum ih mithmai tha an keng theilo; Ruahnak a kharhbet ih thinlung lam tiangin a buaiter thei.

A hleice in thlifim kan hawp tikah kan mit hin a rak hlawp pi ngaingai. Thlifim hi tawngpa hawp ih hawp men siloin zingpit thlifim hrangmi cu kan theitawp suahih kan hnar kua sungih hip luh ding a si, cumi theh ah kan kaa ihsin thlisia kan rak hawp luhzomi pawl ti suak sal ding a si.

Cuti, a hawp daan te kan thiam tikah minung nunak hrangah kan tangkai pi zet ding a si.

Comments

comments

Comments

%d bloggers like this: