Thli sia hrang ding

01-03-09

Australia Victoria ih meisa kang, tuini tiangih mih rero a si laiah Thli sia Victoria, Melbourne kiangkap ih a hran sal zum a um thu Emergency Service Minister Bob Camerron cun a phuang.

Tlawngkai nikhat zan ihsin thli a cah lam 140km/h tluk ih cak cu sak lam le thlanglam ihsin a hran ding thu khal a sim ih, hi thli hi tlawngkai nithum nitiang a hran ding an zum thu khal an sim. An sim bet vivonak ah tlawngkai ni hnih ni ah nasa zetih a luar an zum.

Nu le Pa pawl khal in fale pawl tlawnginn ah a ttih nun dan ih zirin kaiter lo dingin le tlawng inn pawl khal khar ter a si ding tiin an ti. Khual vak ding khal hi ni ah cun nikhua um tu dan zohfel ih ralrin dingin mipi an cah.

Ni khua cu a hlum lo dingnan thli hrang ruangah lamzin ih thing le electric hri pawl ttih a nun ding ruangah State Emergency Service (SES) le Country Fire Authority (CFA) pawl khal ralrin te ih um cia dingin an tiam.

Tui meisa kang hin 302,875 hectares tluk a kangsiat zo ih tui thli hrang hin ziangvek dinhmun a suah pi ding ti cu theih a si lo.

Amahlawngte tlawngkai nikhat ni ihsin hmun humhim ih a pan duhtu cun ralring ih rak pan cia dingin le tlawngkai nihnih ni ah cun thingtlu le meisa siat ruangah an duhnak hmun ih feh a harsat thlang ding thu khal mipi hnenah ralrin nak le theihter nak an tuah.

 

 

(Visited 48 times, 1 visits today)

Comments

comments

Comments

%d bloggers like this: