Thlengh-awk Caan

February 2

Tlawngkai Nihnih

Thlengh-awk Caan

Siar:

Luka 7:37-49

Cumi cu Farasi pa in a hmuh tikah a thinlungte in, “Himi pa hi profet taktak a si ahcun a tham rerotu nu hi zo a si ti a thei dingih ziangvek nuncan sual in a nung ti khal a thei ding,” tiah a ruat.      – Luka 7:39

Kumkhat Sung Baibal :

–   Suahlannak 29-30

–   Matthai 21:23-46

Ka rualpa in, “Ka nun sungah thil tampi thlengh-awk ka hmu ih ka dokalh hngai ttheh,” a ti. A luan deuh thei men nain, mi tampi in thlengh-awknak duh lo cu kan lungkimpi ve men ding. Ahleice in kan nun daan le kan lungput thlengh a ttul tikah.

Farasi pawl in Jesuh an duh lonak thu pakhat cu hlanlai in an rak thlunmi daan ih thil ttha tuah le mahte dingfelnak thu a rak pom sak hngai lomi khi a si. Luka 7 sungah, khua sung ih misual nu in khua sungih mi thianghlim pa inn ih a luh thu hi ruat hnik aw. Farasi Simon cun nunau nu in Jesuh hrangah siangzet in a duhdawtnak a langtermi kha zianghman ah a siar sak lo.

Amah le amah mi thianghlim ih a hmuh awk ruangah Jesuh in leiba olh mi pahnih teih thu a sim. Pakhat cu a bawipa hnenah leiba tampi a nei ih pakhat cun malte a baak. An pahnih in leiba cu olh veve an si. “Zo in so tangka coihtu a duhdawt deuh ding?” tiah Jesuh in a sut (c.42). Simon in, “Tampi baaktu pa in,” tiah a ti. Cutikah Jesuh in, “Sualnak malte lawng ngaithiam a simi cun duhdawtnak malte lawng a langter ve a si,” tiah a ti (c. 47).

Mi ttha ka si tiih kan ruah awk tikah Jesuh kan duhdawtnak a ttumsuk. Ziangahtile sualnak tampi ngaithiam mi sungah kan tel, ti kan hngilh a si. Cutik caan cu thlengh-awk ding caan a si.

Bawipa, kan sualnak in ngaithiam,

Nun tharthawh ding in bawm;

Cahnak, raaltthatnak le thungainak thawn,

Nangmah thlun dingah.

Pathian in thil thlengh a thok tikah,

kanmah in thlengh hmaisanak in a thok ttheu.

(Visited 26 times, 1 visits today)

Comments

comments

Comments

%d bloggers like this: