Thleidanawknak cu Sihte, tulak hridai hman in an hmang ve

Thleidanawknak kan ti mi hi kan lei lungpi a dam sungah cun a cem dah lo ding. Ziangruangah tile leilung tlun le a sungih um cangtheimi hmuahhmuah in an hman cio a si. Tupi sungih thing le hri pawl tiang hman khin sangsawn si cuh aw in an ngerhaw.  A sangsawn le a tum sawn in a nau ta sawn le niamsawn cu khuahkhirh zetin an uk theu.

A fatebik rannung Sihte khal in an rak hmang ve. Sihte a zingzoitu pawl cun Sihte hi phun hnih in an then. Bawi le sal tin an then. Sal Sihte pawl cun an pule ei ding rawl Fur, Thal, Thlatang tiloin an hawlsak theu. Cumenlawng hman tawk loin cui sal Sihte pawl cu an pu le in an duh dandan in an herh kawi ih an uk bet.

 ‘Thlei danawknak cun mah le mah ti niam aw a si’ tiin mifim pawl cun an rak ti. Thlei danawknak a umnak hmunah cun lungrualnak a um thei lo ih, thenawknak lawng si loin ralawknak a suahpi theu. Thleidanawknak hi do neh a theih lo, asinan thlei danawknak aiah theihthiamawknak hmangsawn in thleidanawknak siloin theithiamawknak in kan thleng thei sawn a si. Mi thangso kan si thei nak dingah le mi cangkang kan si thei nak ding ahcun mi pakhat ih phutawk te ah pakhat le pakhat thazang pe ih fuih aw in Thleidanawknak cu Theihthiamawknak ah kan thleng thei ding a si.

 

Comments

comments

Comments

%d bloggers like this: