Thlatang Tikcu Lawm Aw

February 19

Tlawngkai Nili

 Thlatang Tikcu Lawm Aw

 Siar: Saam 42

 Ziangahso hitluk lawmmam ih ka riah a siat… Asinan ka ruahsanmi cu Pathian lawng a si. Amah cu ka thangtthat saal ding. I Runtu le ka Pathian cu. – Saam 42:5

 Kumkhat Sung Baibal:           Puithiam 25           Marka 1:23-45

 Tikcu pali ummi ram ih um ka duh. Vur tlak caan ah meisa kiang ah casiar in um ka duh nain khuasik caan February thla tiang a rei tikah ka duhnak a zor deuh.

 Nikhua ziangvek a si khal le thlatang ih hleicenak cu Khrismas a si. Khrismas ceimawinak pawl an phoih thluh saal hnu hmanah Khrismas lungawinak cu a taang thotho lai.

Jesuh Khrih ih suahcam sihlahsehla thlatang cu lungleng za a thim ih thanau in ruahsannak ka nei lo ding. Sualnak le thutthennak ih luat dingah Amah ih thukamnak le thazaang pek umpinak ruahsan ding kan nei lo ding. Vanram co ding ruahsannak a um lo ding.

Saam ngantu in, “Ziangahso hitluk lawmmam in ka riah a siat? Ziangah so hitluk lawmmam k a thinlunga baang?” tiah a sut. Himi damter theinak ding cu a fiang. “Asinain ka ruahsanmi cu Pathian lawng a si. Amah cu ka thangtthat saal ding. I Ruuntu ka Pathian cu!” (Saam 42:5).

 C.S Lewis ih nganmi Narnia thuanthu sungah Mr. Tumnus in, “Thlatang a si ringring nain Khrismas a thleng dah lo,” tiah a phunzai. Sikhalsehla tikcu le caan tuahtu Pathian a theitu kannih pawl hrang ahcun kan thinlung sungah Khrismas a si ringring.

                                                                                  Kan nunnak phurh a rit tikah,

Khuasik le thlatang a sau tikah;

Kan thinlung sungah meisa seem saal aw Bawipa,

Na meisa tleuter in cakter aw.

 

Khrismas sinak taktak in thlatang ih siatnak dawi hlo seh.

(Visited 17 times, 1 visits today)

Comments

comments

Comments

%d bloggers like this: