Thlaraulam Rawl Ttukttak

November 18

Tlawngkai Nili

Thlaraulam Rawl Ttukttak

Siar:

– Hebru 13:1-9

Zirhnak phun dangdang in lamzin dik ihsin lo pialter hlah hngai seh.

Hebru 13:9

Kumkhat Sung Baibal:

–   Ezekiel 8-10

–   Hebru 13

Ram tampi ah nauhak thau luarzet mi an um, rawl ei daan dik lo le rawl ttukttak an ei ruangah a si.

Rawl ttukttak kan timi cu a thaw nain taksa harhdamnak hrangah a tthahnem lo ih mi a thautertu rawl – aalu kio, soft drinks,… tivek in thaw adai (cold drink) pawl, mutthai (sweet), sangreu, rawl dawr ih zuarmi cut ol rawl pawl an si.

Kan thlarau harhdamnak dingah thlaraulam rawl ttha lo pawl kan hrial a ttul. Zirhtu hrekkhat pawl in thuthangttha phun dang an sim (Galati 1:6) ih harhdamnak le lennak thu tivek thlarau rawllem kha mi an pe. Khristian hla le cabu hrekkhat sungah tla zirhnak dik lo a tel. Hi vek rawl ei tikah thlaraulam rilrawnnak a rehter/tlaiter a bang na’n thlarau harhdamnak ngaingai a pe lo.

“Zirhnak phun dangdang in lamzin dik ihsin lo hruaisual hlah hngai seh. Kan thinlung thazaang cahnak cu rawl thuhla ah ei ding, ei lo ding tiih daan sung ihsin ngah loin Pathian zaangfahnak sung ihsin ngah a ttha sawn” (Heb. 13:9) tiah Bible in raalrinnak in pek. Zirh sualnak cun kan harhdamnak a siatter thei ih hlawknak a um lo, ziangahtile sual a tlengfai thei lo, thlarau thazaang cahnak khal mi a pe lo. Bible ih simzirhmi zaangfahnak le thudik par ihsin phuanmi thutak cun a pa hnih in a pe thei.

Thlaraulam rawl ttha lo pawl kha hrial awla, thlarau nun harhdamnak hrangah Pathian Thutak lawng ei ringring sawn aw.   – Dennish Fisher

Ruuntu Bawipa, Na kiang in feh dingah,

Ka tuahmi kip ah i hruai dingin;

Na cabuai ah na zaangfahnak rawl ei dingah le,

Nangmah lo theih ding hi ka lo dilmi a si. – Somerville

Pathian ih thutak thlarau rawl einak in

thutak lo ei in hrialter thei ding.

Comments

comments

Comments

%d bloggers like this: