Thlaraulam ah ka Farah ti thei

April 26
Tlawngkai Nili

Thlarau ah ka Farah ti thei

Thlaraulam ah ka farah ti a thei awtu pawl cu mi thluasuak an si; ziangahtile vancung uknak cu anmah ih taa a si.
– Matthai 5:3

Bible Siar Ding: Saam 37:3-24

Himi hi Jesuh Khirh in a lianbik hmun ih in hruainak hmun a si. Mi farah in vancungram ahcun ziangtinkim a nei thluh. “Cuih hmun cu!” Hih thu hi na zum ngam taktak maw? Aw, kei ka zum. Ka ngam, ka thei, kei cu mi farahbik ka si. Pathian ih Thlarau Thianghlim ih in ceencilh ih in uk tikah, kan nunnak in control ih in kaihruai. Pathian ih phuanlang awknak in kan sunglam thlarau nun farah in kilhim tikah Pathian cu tumtahnak pakhat thawn a ra: cumi cu vancungram kha hih leitlun ih famkimter dingin a si” timi thutak in theihter. Culawng si loin Jesuh Khrih sungin thil ziangkim khal alak in in pekbelh a si ti in theihter (Rom 8:32).

Putar pakhat le pitar pakhat cu kum 70 sung hmunkhat ah an um tlang. Mi pakhat in hiti’n a ti hngai: “Nan nunnak ah meiro vekin a thimmi harsat buainak vei tampi nan tong ding,” ti’n. Cutikah annih in, “Vanruah cu khui tawk ihsin so a rat? Mero pawl um lo cun ruahpi timi kan hnenah a ra thei lo ding,” ti’n an letkir. Cumi cu Thlarau Thianghlim pakhat lawngih thlentermi le kan farahnak fiangzet ih in hmuhtertu a si. Asinan a tuah tinte’n vancung sangka a ong ih a thluasuah hmuifu in burh ringirng a si.

Sikhalsehla kan theih dingmi thupi cu, kan minung thlarau le Pathian ih in pekmi Thlarau Thianghlim ih danglamnak hi a si. Ka thlarau cun thil ziangmaw cinte lawng a ti thei – milai pawl ih hmuh theimi ttahnak, thlacamnak le biakkhawmnak pawl – minunglam ih tuahsernak an si. Kan minung sinak ih thiltitheinak le khuaruah theinak parah rinsan le hngatsan ding kan si lo. Baptism timi cun na lei tisa nun a thihter dingih nangmai’ theih theinak sungah na zumnak na bun nawn lo ding. Sikhalsehla, thlaraulam ih mifarah na si zia na theih awk taktak ahcun Thlarau ah na tthum aw ding. Cuticun na lei taksa ruangpum cu vanlam thil hlir in a luahkhat ding a si.

Pathian cu ziangti’n ka naih thei ding? Bawimtu nei lo dinhmun ah ziangti’n ka thleng, keimahte nung thei ka si lo ruangah Pathian lawng ziangti’n ka rinsan thei ding? Pathian in mifarah ah in tuah, asinan milian kan si, ziangahtile kan thinlung sungah Amah a rung nung ih Amah kan rinsan ruangah a si.

Pathian ih umpinak siar lo thildang zianghman tonteh ding thupi kan nei lo.

@ Smith Wigglesworth

(Visited 33 times, 1 visits today)

Comments

comments

Comments

%d bloggers like this: