THLARAU RAWL

December 28

Zarhpi Ni

 

Thlarau Rawl

 

Siar:

Saam 19:7-14

 

Ka hnenah na ttong ih na ttong kamkhat khal ka thei ttheh a si. Maw Cungnungbik Bawipa Pathian, na hmin ih kawh mi ka si, na minung ka si ih na ttongkam in ka thinlung cu lungawinak le thinnomnak in a khatter. – Jeremiah 15:16

 

Kumkhat sung Baibal:

          Saam 149-150   

 

Ka nupi Martie thawn thil phunkim an zuarnak dawr feh cu rawl ei daan thuhla zir vek a si. Thil pakhat ka laak zik le thu i sut, “A tacik na zoh maw? Thaunak rawl a si maw? Calorie ziangzat a tel? Cholestrol teh a tam maw? tivek.

 

Thil phunkim zuarnak dawr ih thilri hril thiam a thupit hnakin kan thlarau nunnak hrangih ei dingmi thlarau rawl hril thiam ding a thupi sawn. Ka duhzetmi Baibal catlang cu, “Na ttongkam ka ei” (Jer. 15:16)  timi hi a si.

 

Pathian Ttongkam kan siar tikah tuah dingmi cazin ih ret hnakin tuah suak ding a thupi sawn. Pathian Ttongkam cu thei fiang dingin siar tthat ding kan si. Nuam tete in thinlung takih ruat in kan nunnak ih kan hman ahcun kumkhua hrangah harhdamnak rawl a si. A Ttongkam in kan thlarau nun ih a ttulsammi sii ttha hmuahhmuah in pek.

 

Baibal cu:

  • Kan thlarau cahtertu thawn pehzomnak a nei.
  • Kan thluak hrang fimnak le theihthiamnak rawl a si.
  • Nitin kan thinlung um daan cekin langtertu a si.
  • Sualnak ihsin in humtu natkham sii a si.
  • Thlarau hnangamnak, ruahsannak, le hnemnak petu ruahhnai a si.

Thlarau rawl a simi Pathian Ttongkam ei aw!

 

Pathian Thu in thlarau rawl thaw in pek,

Khristian pawl in tthanlennak ah kan ttul;

Hmansehla kan ei lo ahcun,

Hlunghlai nunnak kan thei dah lo ding.

 

Thlarau harhdamnak hrangih rawl hmuahhmuah Baibal ah a um.

Comments

comments

Comments

%d bloggers like this: