Thlarau Nun Mawinak Sii

September 4

Zarhte Ni 

Thlarau Nun Mawinak Sii 

Siar:

Efesa 4:17-24 

Pathian ih hmuihmel keng ih tuahmi, a ding le a thianghlim in a langmi nunnak dik, nan nunthar keng uh.     – Efesa 4:24 

Kumkhat Sung Baibal:

–   Saam 143-145

–   1 Korin. 14:21-40 

Botox timi sii na hmang dah maw? Mi tampi in cuih sii cu harhdamnak hrangah an hmang. Mi hrekkhat cun no deuh in lang dingah cuih sii an hmang.     

Mi hrekkhat hrang ahcun a lenglam mawinak pianhmang cu an thupiterzet ih an vunsawng pawl hlo dingin botulinum toxin type A timi sii an dawt aw. An vunsawng cu caan tawite sung lawng a hlo. Neta ah cuih sii cu dawt awk saal leuhleuh a ttul.      

Cuih Botox sii cu a man a khungzet lawng si loin a tthat lonak kap (negative side affect) khal a um. Asinan a tthat lonak thu in mawi duh pawl cu cuih sii hmang loin a cawlter hngai thei cuang lo.     

Lenglam zoh mawinak cu thil sia a si lo nain kan sunglam nun ziangtluk a mawi timi a thupi sawn. Nunzia mawi nei dingin ziangtluk kan pek aw thei?     

Kan thlarau mawinak dingah duhnungza nunneemnak le zawnruahnak, lainatnak  le zaangfahnak, thinsaunak le midang ngaihvennak, mahzawn lawng ruat loin mi zaangfahnak Botox sii sawn dawt awk ding kan duh maw? (Efesa 4:2-3). Kan ttulmi thlaraulam ziaza tthatnak nei dingin Pathian hnenah kan kir paih maw?     

A lenglam zoh mawimi sinak ding lamzin na hawl maw? Ziaza ttha sersiamnak Bible caangl pawl hawl aw. Thlacamnak le Thlarau Thianghlim thazaang peknak in cuih Bible caang pawl cu sii vekin na nunnak ah dawt aw.  Na nunnak ah a tthalam hlir in hna a ttuan ding.    – Dave Branon

 Lenglam pianhmang lawng ruat hlah,

A mawinak a ziamral ding;

Thlarau rah rah dingin tuamhlawm aw,

Na thinlung sungah a tthanglian ding.  – D. De Haan     

Pathian mi sinak ziaza cu

leilung tlunah a mawi bikmi tuamhlawm awknak a si.

Comments

comments

Comments

%d bloggers like this: