THLAPI THU(THEIHKAUNAK)

Moon
By/ Mercy Tial
Thlapi thu hi kan dung kum lamah ka theih mi hrekkhat lai cu ka ngan zo ih ka ngan hrih lo mi ka ron bet sal ding.
Thlapi ih dirhipnak tha hi zatek 17/ lawng a si. Curuangah thlapi tlun kainak thuamhnaw thawn khir tikah pi 12 tiang khir theih a si.

Leilung hi a hmai pianghmang a thleng aw rero. Asinan thlapi cu kum million rei hnu khalah a thlengaw ve dah lo. A caancaan ah boruak sung lakih a zuangmi leilung le lungto pawlin sutkhawng ngah tikah a kuarnak hmun pawl a um phah2.

Thlapi hi van boruak sungih ummi leilung lakah minung pawlih hmaisabik thlen theinak leilung a si. Thlapi tlunah thlihrang a um ve lo ruangah 1969 kumih thlapi tlun kaitu pawlih keneh pawl hi a siat hrih lo. An palmi keneh vek vek in a um hrih lai.

Ni a heeltu thlapi hi a zaten 65 an um tihi tuisan tikpan lam mifim pawl ih an hmuhsuakmi cu a si. Mercury leilung le Venus leilungin thlapi an nei lo. Hih leilung pahnih hi Ni thawn a naaibik ih um an si.

Seturn leilung ih taitan thlapi, Jupiter leilung ih
IO thlapi Neptune leilung ih Triton thlapi pawl ah thli a um. Ni a heel tu thlapi lakih a tuumbik cu Jupiter leilung ih Kinnimidi thlapi a si.

Seturn planet ih taitan thlapi hi a tuum lamah pahnihnak a si. Hih thlapi hi a daai zetmi a siih kan umnak leilung thawn a banhaw bikmi a si. A daai zetmi Nitrogen daatkhu hnuaiah lungto an um. Cui Seturn planet ih Irepitus thlapi hi a hmai kharlam a tleu zwt ih, khatlam cu a thim/dum zet.

(Visited 356 times, 1 visits today)

Comments

comments

Comments

%d bloggers like this: