Thlangamnak Atak ih Nunpi

July 23
Tlawngkai Nikhat

Thlangamnak Atak ih Nunpi

Bible Siar Ding: Filipi 4:6-9

Maw Bawipa thlangam daihnak famkim cu Nangmah in na pe, An tumtahmi ah a hngetmi le Nangmah a lo ringtu hnen ahcun! – Isaiah 26:3

Chirstian pawl cu ziang thuhla hman ah donhar ih um lo ding kan ti asile ziangruangah saw mi tampi in kan zaan caan cu ihkhun ah it in, ceiling hun zoh tahrat in, taksa ruangpum cu it ko nain thinthi ih itthat thei lo khop ih kan um ttheu?

Profet Isaiah in a hminsinmi cu Pathian hnenah kan thinlung zate’n kan bun (focus) le kan rinsan (trust) asile Amah in thlangam daihnak famkim (perfect peace) in pe ding. Culawng si loin Pathian in A Ttongkam sungah pakhatkhat tuah ding in fial asile ziangti’n tuah ding timi tla in simtel cih. Kan thinlung cu Amah parih bun ding ti tikah a ti daan ding cu Filipi 4:6-9 sungah in simfiang a si.

A pakhatnak ah, A zaangfahnak le ngilneihnak kha thei in lungawithu sim phah in kan thinharnak pawl in hlonsak thluh dingin Pathian ih bomnak thlacam in dilngen ding kan si. Cuti ih kan tuah tikah, Yahweh Shalom in kan ruah ban lo tiangin Pathian in thlangam daihnak thawn kan thinlung le kan ruahnak cu a kilhim ding a si.

Cun, thinharnak pawl cu kan nunnak sungah ra lut kir saal thei nawn lo dingih kham dingah, kan thinlung khuaruahnak cu upat tlakmi, a thianghlimmi, duh a nungmi le thangtthat tlakmi pawl hlirin khahter dingah in sim.

A netabikah, hi tivek hi veikhat lawng tuah ding kan si lo. Nitin kan tuah nolh ringring dingmi an si ih kan nitin nun daan (habit) rori ah cang ding tiangih nunpi ding kan si. Cuti ih kan tuah asile Yahweh Shalom in A famkimmi thlangamnak in thluasuah ding.

Yahweh Shalom, Na kilvennak sungih ka colh bangin ka thinharnak hmuahhmuah hlonhlo thluh thei dingin in bawm aw.

Ttihphannak le thinharnak cu ka khuaruahnak ukter le ka thlangamnak firter ding tiangin ziangti’nso ka nunnak sungah ka luhter siang ding?

@ Ava Pennington

(Visited 26 times, 1 visits today)

Comments

comments

Comments

%d bloggers like this: