Thlahmul pawl

November 18

Zarhpi Ni

 

Thlahmul pawl

                                                           

Bible Siar Ding: Saam 91:1-9

 

A thla in a lo hup dingih, a lo kilkhawinak sungah na him ding.

Rintlak a sinak cu na raalphaw pi le phaw te an si.  

 Saam 91:4

 

A hmaisabik ih ka hmuh dahmi arte faate a pinu ih thla hnuai ah a relmi cu ziangtik hmanah ka hngilh thei dah lo ding. Ar pinu cu thla le hmul tamzet nei vekin a lang. Naihzet in ka zok tikah a lu fatezet thawn a nu ih thla hnuai hmul pawl lakah a relhmi ka hmu. A langmi umsun cu arte ih hmurzum le mit pawl lawng an si. A ruangpum dang pawl cu arpi ih hmul sungah le thla hnuai ah an thup aw thluh ih hnangamzet te’n a um. Ar pinu cu a faate hrangah ziangkim ttuanvo latu himnak hmun tthabik a si.

Himi hi Saam number 91 ngantu in kan thinlung mitthlam ih ka cuanter dingah in duhsakmi zuk a si ih Pathian ih humhimnak thla hnuai ih kan um tikah ziangtluk in so kan him timi kan theih theinak dingah a nganmi a si. Culawng si hrih loin Saam ngantu ih in duhsakmi cu Pathian thla hnuai ah um ringring khi a si fawn. Saam ngantu in Pathian sungih um le relh cu humhimnak a si (c.1) zia le Pathian cu kan beunak lungpi ih kan ret ringring ding hi a sim duhbikmi a si (c.9).

Ni nikhat ni ah kannih tla arte faate bangin kan thinlung sungah a um ve lai ding. Leilung pi hi ttihphannak hlir in a khatmi hmun ah a cang thei. Kan kiangkap ah ziangvek thil cang hmanseh, zumtu kannih hrang ahcun tlannak ding le relhnak ding hmun tthazet beunak kan nei ti vun theih cu ziangtluk thlangamza so a si.

Vancung ih um kan Pa, Na hnenah ka ra tlan lut ttheunak ka um ringirng lo ttheumi parah in ngaidam hram aw. Nangmah lawng hi ka beunak lungpi ih lo tuah ringring thiam dingin in zirh aw.

Bawipa Pathian cu ka beunak lungpi ah ret in A hnenih ka tlanlut tikah, cutawk ah um ringring dingin ziangmi in i lauter?

@Pennington

Comments

comments

Comments

%d bloggers like this: