Thlacamnak sungah Tuam

January 28

Tlawngkai Nikhat

 

Thlacamnak sungah Tuam

 

Bible Siar Ding: Johan 17:13-26

 

Curuangah atu le kumkhua in amah ih sungin Pathian a pantu pawl cu a rundam thei a si; ziangahtile kumkhua in a nun ruangah Pathian hnenah a dil sak ringring.

–         Hebru 7:25

 

A liam ciami kum thawnghnih, Jesuh leitlun ih a rak tlanlen lai ah kan hrangah thla in rak cam sak thu na thei dah maw?

“Puithiam Sang Thlacamnak (High Priestly Prayer)” ti ih theihmi sungah Jesuh in dungthluntu pawl hrangih thla a cam saknak kan hmu. A simbetmi cu, “Anmai’ hrang lawngah thla ka cam a si lo; anmai’ thusimmi ruangih zumtu a cangmi pawl hrangah tla thla ka cam,” a ti (Johan 17:20). Hih a simmi minung pawl cu atu ih zumtu nangmah le keimah hi kan si.

Kan hrangih a thlacammi cu: thianghlimnak kan neih theinak ding, pumkhat kan si theinak ding, le Amah kan sunloih theinak dingah a si. Satan ih siatsuahnak ihsin humhim kan si theinak dingah le Pa in Fapa a duhdawtnak kha kan sungih a um thei cionak dingah a si. Jesuh in cuti ih kan hrangih thla a rak cam lawng si loin atu rori ahhin zumtu kan hrangah thla in cam sak ringring a si ti’n Hebru cangantu cun in sim a si.

Kannih cu a ttawnttaimi kan si ruangah kanmah bawm dingah Thlarau a ra. Ziangtinso thla kan cam ding ti hman kan theih lolai ah, hmurka in simsuak thei lomi hrum-ainak thawn Thlarau in kan hrangah Pathian hnenah in dil sak. Pathian duhzawng in a mithiang pawl hrangah Thlarau in Pathian hnenah in dil sak a si (Rom 8:26, 27).

 

Maw Bawipa, ziangtin thla ka cam ding ti ka theih lolai ah, Na Fapa le Thlarau Thianghlim ih thla in camsak ruangah ka lungawi.

 

Tuni ah Jesuh in Pa hnenah in dil sak ringring ti ka theihmi in Pathian hnenih ka harsatnak ka thlenh daan a danglamter maw?

@Ava Pennington

(Visited 49 times, 1 visits today)

Comments

comments

Comments

%d bloggers like this: