Thlacamnak ih A Tuah Danglammi

May 7

Tlawngkai Nili

 

Thlacamnak ih A Tuah Danglammi

 

Siar:

Thuphuan 8:1-5

 

Pathian hmai ih a dingtu vancungmi ih kut ihsin rimhmui urnak meikhu cu Pathian minung pawl ih thlacamnak thawn a kai tlang.

   Thuphuan 8:4

 

Kumkhat Sung Baibal:

   2Siangpahrang 1-3

   Luka 24:1-35

 

Thlacamnak in kan leilung hi a lamdangter thei maw? Asilole, Pathian le kan pumpak biak awk menmen so a si?

      

New Jersey ih nupa te cu mi pakhat thawnginn ihsin a suak ih an umnaklam ah a ra tthawn ti an theih tikah a hrangah thlacam an thok. A hnenah an leeng ih amah vek mi ih ziang siar lo mi pawl kha zarh khat veikhat an inn ah thawhhlam an ra eiter ttheu. Kum 22 lai a rung rei tikah an inn cu cutawk kiangkap ih ummi, mi ih ziang an siar lo mi pawl kha mi pakhat vekih upatnak thawn cohlannak hmun ah a ra cang.  

           

Kan raal pawl duhdawt ding le in hremtu pawl hrang thlacam sak ding timi Jesuh Khrih ih in zirh vekin thlun thei sehla ziang a bang pei? Vancungram hi mi ih ziang siar lomi le hnonmi pawl hrangah a si ti thei cio sehla ziang kan bang pei?

           

Dungthluntu John in hmuh theimi le hmuh thei lomi ram pahnih an pehzom awk daan a ngan. Caan tawite sung vancungram cu thawmvang loin a dai ttheptthep. Vancungmi 7 tawtawrawt 7 keng in an hngak. Vancungmi zaten dai ttheptthep in an um. Cule vancungmi pakhat in leitlun zumtu pawl ih thangtthat thlacamnak, ttah ai-hramnak, beidongnak, zaangfah dilnak pawl cu rimhmui thawn a cokrawi ih Pathian hmai ah a ret (8:1-4). Vancungmi in rimhmui urnak kheng kha leilung ih a hlon tikah khua a ri, ttek a tla, nimthla a kau ih ling a hnin (c. 5).

 

Thlacamnak cu tthat lonak, tuarnak le thihnak nehtu a si.

 

Thlacamtu pawl in Pathian ih hna an ttuan sak.

(Visited 22 times, 1 visits today)

Comments

comments

Comments

%d bloggers like this: