Thlacam Gruop

 

January 27

Tlawngkai Nihnih

 

Thlacam Gruop

 

Siar:

Luka 18:9-14

 

Zokhal amah le amah a khaisaang awtu cu nam-thlak a si dingih tangdor tu cu khaisaan a si ding. –Luka 18:14

 

Kumkhat sung Baibal:

          Suahlannak 16-18

          Matthai 18:1-20

 

Baibal zirnak hmun pahat in pakhat le pakhat thlacam sak awk ding caan ah phunruk nauhak nu Anna in hiti’n thla a cam. “Vancung ih um kan pa, Tonya hi tlangval lawnglawng ruat lo dingin zaangfahte’n bawm aw.” Tonya khal in hniphah in, “Anna hi tlawng ah midang hnaihnok lo dingin run bawm aw,” a ti. Talia in, “Bawipa Tonya hi a nu ih thusim lung dingin, eel ttohttoh lo dingin run bawm aw,” a ti.

 

An ttulmi Pathian hnen ih dil hnak in midang hmai ah an rualpi dik lonak phorh in an capoh aw a bang. Pathian hnen ih thu kan simmi hi thupizet ih ruat a ttul zia an hotu in raalrinnak a pek hngai.

 

Kanmah ih mawhnak hngilh tahrat in midang ih mawhnak thlacamnak ih kan tarlang a si ahcun Jesuh ih simmi tahtthimnak sung ih Farasi pa vek kan si ding. “Maw Bawipa kei cu midang vekin ka duhham lo, thuphan ka per lo ih taangttawm sualnak tla ka tuah lo, siahkhongtu vek ka si lo,” a ti (Luka 18:11). Asinain kannih cu thla kan cam tikah ngaithiam le zaangfah a diltu misualpa vekih thlacam ding kan si (c. 13).

 

Kan thlacamnak cu midang ih dik lonak cazin tuah si lo dingin raalring uhsi! Pathian ih duhzawng thlacamnak cu kan thinlung sualnak mahte tangdornak thinlung thawn hliakhlainak ihsin a ra suakmi a si.

 

Bawipa Thlacam daan dik in zirh aw,

Na lamzin ah in hruai aw;

Na tleunak thiang sungah tangdor tein kan kuun,

Bawipa thlacam daan in zirh aw.

 

Thlacamnak saangbik cu thinlung tangdornak thukzet ihsin a ra.

(Visited 34 times, 1 visits today)

Comments

comments

Comments

%d bloggers like this: