Thla Ka Cam Pei Maw?

January 29

Tlawngkai Nihnih

 

Thla Ka Cam Pei Maw?

 

Bible Siar Ding: 1 Samuel 12:19-24

 

Kei cu ziangtik hmanah nan hrangih thlacam ka cawl lo ding;

ka cawl asile Bawipa ih hmai ah misual ka si ding.

–         1 Samuel 12:23

 

Midang hrangih thlacam sak (intercessory prayer) hi mai’ duhhril (option) maw tuah tengteng dingih phutmi daan (obligation) sawn so a si?

Profet Samuel hrang ahcun a miphun Israel mi pawl hrangih thlacam sak cu amai’ duhhrilnak men si loin a ttuanvo le a mawhphurh hrimhrim in a ruat. An hrangih thlacam lo cu Pathian hmai ah sualnak nei tluk in a ruat.

Ziangruangah midang hrangih thlacamnak hi a thupizet si pei? A pakhatnak ah, cumi cu atlangpi thu in kan thlacam nun tahnak (measure) a si. Midang hrangah thla kan cam sak lo asile thla kan cam lo tinak san a si. A pahnihnak ah, midang hrangih thla kan cam tikah, Pathian in an nun a thlengh (change) lawng si loin kanmai’ nun khal in thlengh sak ve a si. Midang hrangih thlacamnak in kanmai’ duhmi lawng hmuhnak a lenglam ah in suahpi ih midang pawl ih thilrit le ttulsamnak in theihter. Anetabik ah, midang hrangih thlacam hi ngaithiam thei lomi neih tikah a harsa. Pathian hnenah an hrangih dilsak le thluasuah tampi run pek hngai aw, tiih thlacam sak caan ah an parih thinhennak neih a theih lo.

Profet Samuel in midang hrangih thlacam sak cu amai’ duhhril men si loin a tuah tengtgeng ttulmi a mawhphurh a si ti’n a ruat. A nunsan le a hnattuan rori in a pom. Kannih teh cuti’n kan tuah thei ve pei maw?

 

Ka Pa, caan tampi midang hrangah thlacam sak ding ka daithlan le ka tlin lomi parah in ngaithiam hram aw.

 

Ka nitin thlacamnak sungah midang hrangah ziangtluk in so tikcu caan ka pek thei ttheu?

 

@Ava Pennington

(Visited 87 times, 1 visits today)

Comments

comments

Comments

%d bloggers like this: