This Is Capoh!

This Is Capoh!!!

1. An ngaizawnawk lai ah cun a falanu ih mobile nambat kha ‘My Love’ tin a hminsin(save) ih an neihawk hnuah cun ‘My Life’ ti in a hmnsin(save) leh. Kum 3 a rei hnuah cun‘My Wife’. Kum 5 a rei lala cun ‘Hitler’. Kum 10 a rei taktak hnu cun ‘Wrong Number’.

2. Tlangval pakhat khal a hmel a sinpi lo tuk ti ngaihnak theilo cu a hmaiah tattoo hmetha deuh lem a ngan ter ve ringawt.

3. Nauhak pakhat khal tlawginn ihsin a ra tlung. Inn a thlen zik zawng ah an innhnen ih a rualpa cun, “ Thangte, na pa  a thi hokhaw” tiah a rak sim. Thangte khal cun poi ti hmel lemlo in, “ Yes…thaizing tlawng kan pit” a rak ti san men.

4. Pa pakhat khal in an inn kiang ih lungpi tum deuh mai kha lamzintuahnak ding ah tiin a rak sutkuai rero kha an innhnen pa in, “Kha cu kan lungpi a si si” tiah a rak ti.  Anih khal cun zam vak lemlo in, “Rawl na pe dah sawm? Na peklai ka va hmu dah lo ve” tiah a rak ti.

5. Insungsang pakhat ih an pabik khal thu a nei tuk deuh a si ding a ha a nat tinte’n an innsungsang in cencerh an ei ringring theu.

6. Mipakhat khal a thi ih Pathian rorelnak hmaiah a ding. “Tuah cun leilung ih na nunlai ih na tuahmi pawl hmuahhmuah kan zoh ding” tiah Pathian in a rak ti. Cu pa’i dam lai ih a thil tuahmi hmuahhmuah pakhat tete in a rawng lang puppo. A ningzak umngaihnak theilo cun, “Hi vek thil hi ka tuah lo hrimhrim. Camera tricks a si ding. Zosi cameraman tuan i?” tiin a ti ciam.

7. Mi pakhat khal hlasak in ei a hawl ve ih a ei phahphah theu.

8. Nauhak pakhat cun a pa’i  hnenah, “Ka pa, arti vun hip aw hen” a ti. A nu itkhun ih it lai cun, “Ka nuamsam tuk lo i hip a tul lemlo ding aa. Ka peih lo hokhaw” tiah thinheng awkhi sang deuh nawn in a rak ti.

9. Mipakhat khal zu ri nawn in City Bus ah a to. City Bus sung ah a hawihawi rero ih a tawp ah cun, “Innleng ka va neitam ve” a ti.

10. Nauhak pakhat khal an sayamah in ca a zirh rero lai ah sangka lam hawi in a lenglam arak zoh rero. An sayamah cun cu’i nauhak pa te cu a hmuh in, “Hei, nang kha ding hnik!’. Nauhak pa te cu a ding. An sayaman cun, “Name one noun” a ti ih nauhak pa cun, “Cow” a rak ti. An sayamah cun, “Name a nother noun” a ti leh cun nauhak pa cun rel ding a theinawn lo ih, “Another cow” a rak ti.

Comments

comments

One Comment

  1. 1. An ngaizawnawk lai ah cun a falanu ih mobile nambat kha ‘My Love’ tin a hminsin(save) ih an neihawk hnuah cun ‘My Life’ ti in a hmnsin(save) leh. Kum 3 a rei hnuah cun‘My Wife’. Kum 5 a rei lala cun ‘Hitler’. Kum 10 a rei taktak hnu cun ‘Wrong Number’.

    hahahahaaaaaaaaaaaaaaaaa
    1. My Love
    2. My Life
    3. My Wife
    4. Wrong Number

    ka fim rori .. hehee

Comments

%d bloggers like this: