THIR TANGKA 2 HMANGIH THUANTHU MAWI

THIR  TANGKA  2  HMANGIH  THUANTHU  MAWI 

Salai Tlangsam

Kum 1945, October 27 ni ah Brazil ramsung ih khawte pakhat asi mi Pernambuco ah leiletmi,download lothlomi sungkua ihsin nauhak mipa pakhat a rungsuak. Cui nauhak pa tei innsang cu an harsatuk ih kum 4 a ti ihsin lamzin kap ah thil zuarin a vak ring. Tampi hman a ngah theilo ih rilrawng ih a umcaan tampi a um ih thuamhnaw hruh ding tha khal a nei tuk lo. Cui nauhakpa cun tlawng an kailo caan hmuahhmuah ah cun a rualpipawl thawn mi kedam tifaisak in sum an hawl ringring. Kedam tifai ding an hmuhlo caan hi cu rawl lo ih an um caan asi.

Kum 12 a ti ah tlaikhat cu nauhak pa cun a rualpi 2 a sawm ih rawldawr neitupa hnenah kedam tifai ding a neih le neihlo an va sut. Rawldawr neitupa cun a neih thu a sim cun an 3 in an cuhaw hai. Cucun cupa cun a kedam tifai tu cu thir tangka 2 a pe ding ih cumi thawn ziang an tuah ding ti cu pakhat hnu pakhat a sut hai ih pakhat in “ Zinglam ihsin rawl ka ei hrihlo. Hiti ih ka um vivo cun rilrawng in ka thi ngainngai ding” ati. Pakhat leh cun “ Kan inn ah rawl kan neihlonak ni 3 asi zo, curuangah paisa ka ngah atul. Ngahlo ih ka tlung asi ah cun inn ka thlen tikah vuakka tuar ding” at. Cucun nauhak pa cun milian pai kut ih thir tangka 2 cu a zoh ih malte a rei hnu ah “ Hi thir tangka 2 hi ka ngah asi ah cun ka rual le 2 hnen ah pa 1 veve in ka pe hai ding. An 2 in ka rualpi thatuk an si veve. An nih ih rawl an neihlo le an eilo caan a rei tuk zo. Keicu sun ah khan thil malte ka ei ih ka ril a rawng tuk hrih lo. Kedam tifainak dingah tha ka nei lai” ati. Cui a tongkam cu milian pa le a dawr sungih totu zate cun mak an ti zet. Milian pa cun nauhak pa cu a kedam a tifai ter. Thir tangka 2 a pe ih a zohthlun vivo.A rual le 2 pa 1 veve in a pe ngaingai ti kha a hmu.

Ni reilote ah milian pa cun nauhak pa cu a hawl. Tlawng an kailo tikcu caan pohpoh ah a rawldawr ih hna ra tuan ding in a sawm. Rawl a cawm, midang hnak hman in a tuanman a petam sawn. Cucu, a ai ih farah le rethei a bomnak ruangih a parih thiltha ra thlengmi asi. Mi z bomnak hnak ih tam in bomnak a ngah sal asi. Caan tawkfang a rei in a tlawngkai a cawl ih hnatuannak zung pakhat ah a lut ve. Hnatuantupawl in an sinak le covo thatei an ngah theinak dingah dilnak a rak nei dah. Cutin kum 45 a kim in Workers’ Party timi a dinsuak. Kum 2002 ah :”Hiram ih umtu zaten ni khatah rawl voi thum kan ei ding” ti tlangaupi phah in hrilawknak ah a lut ve. Cutin, mipi ih duhnak le lawmnak a co ih an ram ih President 35 nak a rungsi. Kum 2006 ah a term hnihnak ah hril a si lala. President kum 8 a tuansungah a kamcian vek in an ramsung ih um upa 93% le nauhak 83% tluk in nitin rawl voi thum an ei ringring. A hruainak hnuai ah Brazil ram cu “ Hrampi eitu ram” timi ihsin : America khawmual ih Kiosa” timi ah a rungcang ih leitlun sumdawnnak ah a cakbik ram 10 nak ah a rungcang asi. Cupa cu zo dang silo in 2010 ih a hna ihsin bang Brazil President hlun Luiz Inacio da Silvaasi.

(Visited 67 times, 1 visits today)

Comments

comments

Comments

%d bloggers like this: