Thinphaannak Kulhvel

une 4 

Tlawngkai Nili

 

Thinphaannak Kulhvel

 

Siar:

1John 2:1-11

 

Pakhatkhat in sualnak nan tuah a si ahcun a dingmi Jesuh Khrih, kan ai-awh in Pa Pathian hnenih thu in simsak theitu kan nei. – 1John 2:1

 

Kumkhat Sung Baibal:

   2Sansiarnak 21-22

   Johan 14

 

The Eagles music group in hla thar thawn stage show tuah dingih an timtuah tikah a kulh aw (a hlum) in an to ih Guitar menmen te thawn aw ringtertu cet tel loin anmai’ aw thawn an zir tlang. Kan sak sual pang ding ti phaang in hiti ih a kulh aw ih to in hla an zirmi hi “thinphaannak kulhvel” ti’n an ko. Stage parih an sak sual pang ahcun ziangti hmanin ti saal a theih nawn lo ding. An mualpho ding ti an ttihphaan ruangah hiti ih an zirnak le an kawhnak a si.

 

Kan zate hi nikhat ni ah dingthluk lairelnak thawih thutthen dingin Pathian hmai ah kan ding leh ding. Thuleh kirnak nei lo le hrial thei lo kan si ahcun ruahsan ding a um lo. Sihmansehla Khrih cu zumtu zate ai-awh in thu in sim sak dingah Pathian le kanmah lailak ah a ding ding. 1John 2:1 ah, “Ka faale tla sual nan tuah lonak dingah hih ca hi nan hnenah ka ngan a si. Sikhalsehla pakhatkhat in sualnak nan tuah a si ahcun a dingmi Jesuh Khrih, kan ai-awh in Pa Pathian hnenih in simsak theitu kan nei” a ti. 

 

Kan ttonttaihnak le tlaksamnak a um le kanmah humhual dingin in sim sak ding. Khrih cu thinphaang mi kan hrangah Pathian thawn pehtlaih awknak ttha saal dingin a zaangfahnak le thutak in famkim teih in tuahsaktu ding a si.

 

Pathian thangtthat in thutak le dingfelnak nun thianghlim thawn nung ding hi kan hrangah sawm-ngiarnak tumpi a si. Cuti ih nung thei lo kan si hmanah Pa Pathian in in hnong ding ti cu thinphaantuk ding a um lo. Ziangahtile kan hrangah sim saktu ding Bawi Khrih palai kan nei a si.

 

Leilung ih tuahmi mi ttawnttai ka si,

Nangmah rinsan in hlawhtlinnak ka ngah ding;

Na zaangfahnak cu kumkhua in a hmun,

Sersiamtu, rundamtu, tlentu le rual ttha na si.

 

Kan hrangih thihnak tuartu Bawipa cu

Atu ahcun kan hrangah simsaktu ding kan palai a si.

(Visited 20 times, 1 visits today)

Comments

comments

Comments

%d bloggers like this: