Thinphaan um

 

 

June 9 

Tlawngkai Nihnih

 

 

Siar:

Thufim 6:16-19

 

Curuangah a cakmi Pathian ih kut hnuai ah tangdor te in um uhla Amah in caan a kim a ti tikah a lo khaisaang leh ding. – 1Peter 5:6

 

Kumkhat Sung Baibal:

   2Sansiarnak 32-33

   Johan 18:19-40

 

Kan fapa le pawl an nolai ah kan duhzetmi leknak cu Risk timi leilungtlun ram hmuah neh dingih zuam-awknak a si. A lektu pakhat ciar in ram an laak vingvo theinak dingah an raalkap pawl an cangvaiter. I nuamtertubik cu a thokpek ih a nehtu in a cem tikah a neh dah lemlo. Ziangahtile a uar awk an hmuh tikah amah dodal dingin a lektu dang hmuahhmuah an kom aw thluh ttheu.

 

Kan thinlung ih thei cingin siseh, theih loin siseh, thil titheitu mi uar aw pawl ngaih lo a olte. An um daan hrimhrim in midang pawl kha anmah dodal dingin, asilole daite’n an thu el dingin tha a pek.

 

Pathian ih huatmi thil pasarih lakah a pakhatnak cu puarthau mit-hmai a si. Mi pakhat in a porh aw ih midang a nautat tikah a mit-hmai ah a lang. Pathian in a puarthaumi mit-hmai a huat cu mangbang ding a um lo.

 

Mi puarthau le thuneitu pawl in midang lungkim lonak cu an poisa lo nain Pathian ih dokalh hngainak cu ziang siar loin an um thei lo ding. “A cakmi Pathian ih kut hnuai ah tangdor tein um uhla Amah in caan a kim tikah a lo khaisaang leh ding,” (1Pet. 5:6). A hnenih kan pek awk tikah puarthaunak ih a suahpimi phaan-ummi nunzia hrial in Pathian ih tangdor riantu kan si ding.

 

Ka neihmi si loin ka cohlanmi a si,

Zaangfahnak in i pek ka zum veten;

Porh awk le puarthaunak tel loin,

Zaangfahnak ih runmi misual ka si.

 

Zohman in mah le mah le Khrih veikhat te ah a sunloih thei lo.

(Visited 23 times, 1 visits today)

Comments

comments

Comments

%d bloggers like this: