Thinneem cu Ttawnttai A Si Lo

January 25

Tlawngkai Ninga

 

Thinneem cu Ttawnttai A Si Lo

 

Bible Siar Ding: Matthai 11:25-30

 

Ka kawn hi phur hnik uh. Kei cu nunneem le tangdornak thinlung nei mi ka si. Ka hnen ihsin zir uhla colhdamnak nan ngah ding.

– Matt. 11:29

 

Kan leilungpi in tangdornak (humility) hi a ngaisang lemlo. Christian pawl sung hmanah, tangdornak cu atu le tu lo theih lo ih kan tuah ttul (should) a si ti cun kan thei ko nain kan tuah duh (want) caan a mal em.

Kanmahte mai’ ke parah ding thei ih “bulpak thuneihnak (personal authority)” tthansoter dingah simzirh mi kan si. Mi tangdor pawl cu mi ttawnttai an si – nunnak sungih tthansonak hawllai ah mi ih nautat thlak ih um cun ke hnawtnak vekin mi ih pal le lanmi ah kan cang ding.

Sikhalsehla, tangdornak taktak (true humility) asilole thinneemnak (meekness) cu ttonttaihnak (weak) a si lamlam lo. Jesuh cu a tangdorzet ruangah a nasazetmi huham neitu dinhmun ah khaisan a si. Ni sawmli sung rawl a ulh hnu ah Satan ih sualforhnak neh theinak huham thawn a khat (Luke 4:1-13). Biakinn (Temple) sungih paisa thlenghtu pawl ih cabuai pawl linglet thluh ngamnak hi mi ttawnttai sinak cu a si hrimhrim lo (Matt. 21:12-13). Thinglamtah parah misual tlen dingin thihnak tiang a tuar ngam.

Thinneemnak thawn, Rundamtu Jesuh cun thinglamtah parih thihnak tiang tuar dingin A Pa ih thu a ngai. Jesuh ih tangdornak in rundamnak in pek. Amai’ sungah kan thlarau nun colhhahdamnak kan ngah.

 

Bawipa Pathian, Jesuh ih tangdornak in rundamnak in pek ruangah ka lungawi. Ka nunnak ah tangdornak a zir ngahtu le a langter theitu si thei ve dingin in bawm hram aw.

Tuni ka nunnak ah atak ih ka hman thei dingmi tangdornak taktak Jesuh hnen ihsin ka zir ngah zo maw?

 

@Ava Pennington

(Visited 85 times, 1 visits today)

Comments

comments

Comments

%d bloggers like this: