Thinlungtak in Duhhiarnak

December 8

Zarhte Ni

 

Thinlungtak in Duhhiarnak

                                                           

Bible Siar Ding: Isaiah 9:1-7

 

Cungnungbik Bawipa in hi hmuahhmuah cu thatho in a tuah ding.

–  Isaiah 9:7 (KJV)

 

Nangmah a lo rualpitthat lotu asilole nangmah a lo raaltu mi pakhatkhat thawn nan pehzom awknak tthater saal dingin ziangtlukin duhhiarnak na nei? Cumi cangsuak thei dingin nangmah lam in ziangmi si sunral dingin na ngam? Tikcu caan?, sumsaw?, na duhdawtmi ih nunnak, na fa neihsun?

Profet Isaiah in a thlirmi ni cu Bawipa in A minung pawl tlentu dingah Messiah a run thlah ding ni khi a si. Isaiah in a aumi cu rundamnak nitleu a rung thlen tikah Pathian ih hriakculhmi Messiah cu Israel ram ih uktu siangpahrang si dingin a rung thleng ding timi thu a si. Isaiah in cumi cu Pathian in a thlenter duhzetmi a si ti’n tla a sim cih. “Cungnungbik Bawipa in hi hmuahhmuah cu thatho in a tuah ding” a ti (Isa. 9:7 KJV) a ti.

Thathawhnak timi cu thil pakhatkhat cang dingmi parah phurnak a nei tican a si. A kekkuai zomi le a cat zomi pehtlaihnak remttha saal dingah duhhiarnak nasazet kan nei, asinan cumi cangsuak thei dingin sunral ding: kan fanau pawl lakin pakhat te raithawinak ih hlan ding hman kan siang lo.

Pathian cu ziangtinkim theitu a sinak in A minung pawl tlennak dingah ziangzat a man pek a ttul timi a thei. Cucing in Anih cu thathozet – phurzet le hiarzet – in a tuah. Ziangruangahtile Amah le A minung pawl pehzomnak nei thei saalnak dingah himi cu lamzin pakhatte umsun a si ruangah a si. Cumi cu ziangtluk in kan parah duhdawtnak a nei timi langtertu a si.

Bawipa, thathozet ih ka hrang na tuahmi, keimahte ka tuah thei lomi in tuahsakmi parah lungawithu ka lo sim.

Pathian in duhdawtnak thawn pehtlaihnak in tuahsak thar saalmi cotu si thei dingin ziangtluk thinlung phurnak ka nei?

 

@Ava Pennington

Comments

comments

Comments

%d bloggers like this: