Thinlung thiang teih Tipalhnak

December 10

Tlawngkai Nikhat

 

Thinlung thiang teih Tipalhnak

                                                           

Bible Siar Ding: Rom 10:1-4

 

Pathian hrang ahcun an ttang ngaingai, ti cu theihpitu ka si; sikhalsehla an ttan zia hi a dik lo.

–  Rom 10:2

 

Minung hi thinlung thiang nei cingin kan thuruahnak le kan thiltinak ah kan palh thei. Thathawhnak cu thutak ai-rawltu a si lo, September 11, 2011 ni ih thilcangmi in tahtthimnak kan hmu vekin. Vanzamleng pianpisuaitu  pawl (hijackers) in  vanzamleng thawn New York ih World Trade Centre an ttaih kha thathawhtuk ruangah a si. Asinan an thathawh daan cu Pathian nung pakhat umsun an theih lo ruangih tipalhmi a si.

Thlaraulam ih thathawhnak hi a phunphun in a um thei. A-cian-phet pawl (Terrorists) hi zohtthim ding pakhat cu an si. A dang tahtthimnak cu Christian ka si ti cing in, an thathawhnak cu naupaimi a sungih fanau thah (abortion) tuahtu pawl hi an si. Hih a luarkaizetmi zumnak pawl hi anmah cun a thiang ti’n an ruat ko nain an pahnih in an palh veve a si.

Thutak (truth) theihnak parih hrambun lomi thathawhnak ih cangvaihnak pawl hi ziangti’n kan tuah pei? An zumnak kan lungkimpi thei, kimpi lo thei. An zumnak thu ah thu-el in kan neh men thei, asinan cumi nu/pa thawn pawlkom awknak cu kan sung phah ding. Asilole Ca Thianghlim sungin Pathian Thutak kan zir thei ih dai te’n anmah upatnak thawn thutak kan sim ringirng thei ih cokpolh loin kan nung thei a si.

Kan thathawhnak (zealousness) cu Pathian Ttongkam dikzet ih theihnak parah hrambun (base) ding kan si. Cut’n tipalhnak in kan luat thei ding.

 Bawipa, ka thathawhnak cu Na Thu thawn a mil awmi si ringring seh!

Midang ih thusuhnak le soiselnak pawl letkir saal thei dingin Pathian ka theihnak ahhin ka diriam maw?

 

@Ava Pennington

Comments

comments

Comments

%d bloggers like this: