Thinlung Sungih Milem

March 5

Tlawngkai Nili

Thinlung Sungih Milem

 Siar: Ezekiel 14:1-8

Milai pa, hih Israel hotu pawl in an thinlung sungah milem an ret ih cumi cu an hrangah rilh bahnak ah a cang. Thu in ron khal le let dingah maw in ruat?     -Ezekiel 14:3

Kumkhat Sung Baibal:        Mipumsiarnak 34-36         Marka 9:30-50

 Ka pasal thawn missionary in hmaisabik kan fehlai ah kan mipi ih leitlun thilri an duhzia ka vun mang saal. Leitlun thilri duhzet mi ka si thei ding ti ka rak ruat dah lo. Ram dang ah zianghman nei loin kan feh a si lo maw? Inn sia le thil sia sungih um dingah kan hril a si lo maw? Thilri duhnak in in hnaihnok thei dah lo ding ti’n ka ruat.

Asinan ka thinlung sungah diriam lonak nuam tete’n a suak. A rei hlanah thil ttha neih duhnak thinlung le neih lo ruangih thinnom lonak a thupte’n a suak.

  Cule nikhat ni ah Pathian ih Thiang Thlarau in ka mit i vaangter. Thilri duh timi hi thliri neih lawng a si lo, neih hiarnak thinlung khal a si. Thilri duhtuk ruangih misual cu keimah ka si. Thilri duh ruangih ka diriam lonak le ka thinlung ih biakmi milem cu Pathian in a run phuanglang. Cuih ni ah hih sualnak in ka sir aw ih, Pathian in ka thinlung cu a Siangpahrang tokham ah a hmang saal. Cuihsin thokin leitlun thilri ah si loin Amah Pathian sawn ah thin diriamnak ka nei.

   Ezekiel sanlai khalah hi ti vekin a thupte ih zuk biaknak hi Pathian in a run  phuanglang. Leilungtlun ih a Siangpahrang tokham cu a minung pawl ih thinlung a si. Curuangah A hnenih kan diriamnak siatsuahtu ziangvek thil khal kan thinlung sung ihsin kan hlon hlo a ttul.

                                                                                              Milem sungih ka duhbikmi,

Ziang milem a si khal ah;

Na tokham ihsin hlon hlo ding i bawm aw,

Nangmah lawng lo biak dingah.

 

Pathian umnak hmun cuhtu ziangvek thil khal milem an si.

Comments

comments

Comments

%d bloggers like this: