Thinlung ruahnak ih Huham

September 13
Tlawngkai Nili

Thinlung ruahnak ih Huham

Bible Siar Ding: Thufim 18:10-16

Milian pawl in an sumsaw kha himnak ah an ruat; A saang ih a fekzetmi khuapi kulhnak hauhruang ah an ruat.
– Thufim 18:11

Na nunnak ah sumsaw tampi nei in bank ah paisa tampi ret hi humhimnak a si ti’n duhhiarnak na nei dah maw? Nangmah hnakin a let tampi’n a lianzetmi minung pawl in an lo hiip dah maw? An lennak ceen ve ding le nangmai’ hlawknak ah hmang ngah ve dingin a heel zawng (indirect) in teh tumnak le zuamnak na nei dah maw?

Paisa tampi neih hi a palh hrimhrim lo. Pathian in hih leitlun ih tuah ding le ttuan ding a tumtahmi pawl ttuan suak theinak dingah sumsaw in thluasuah in in pe ttheu a si. Ziangvek caan ah buainak a suak tile paisa kan neihmi kha fimkhurzet in Pathian hmin sunlawinak hrangah hmang loin kanmai’ tisalam diriamnak hrangah le humhimnak raalhruang vekah ret ih kan thinlung ruahnak ih kan rinsan tikah kan nun a buai a si.

Thufim ngantu Solomon in sum le saw lennak kha humhimnak hauhruang ih hman cu a dikmi a si lo zia raalrinnak in pek. Hih raalhruang cu kan thinlung khuaruahnak ih suangtuahnak men a si. Stock market sungih veikhat tipalhnak in hmakhatte ah kan sumsaw neihmi hmuahhmuah an hlo ttheh viar thei a si.

Pathian Ttongkam, Bible in hih leitlun ih pehtlaihnak kan neih daan dingah raalrinnak tampi in pe a si. Nitin kan nunnak le kan hnattuannak ah kan raalring lo a si ahcun rin lopi in tlaksiatnak le sunralnak thang in in awk thei. Ahleice in Pathian rinsan hnakin leitlun lennak sum le saw lawng hawl in humhimnak hauhruang ih kan hman tikah peicim zatlaknak kan naih ti thei aw ding kan si.

Vancung ih um kan Pa, ka neihmi sumsaw parah thin diriamnak nei loin ka duhhamnak parah in ngaithiam hram aw.
Paisa cu Na ram karhzaiternak hrangih hmanrua men a si, beunak hauhruang ih hman ding a si lo ti thei fiang le atak ih nunpi thei dingin in bawm hram aw.

Mi pakhat thawn pehtlaih awknak ka neih tikah a sumsaw lennak parah hrambun tahrat in ka pawlkom pang maw? Himi vek pehtlaihnak thawn pehpar aw in Pathian ih i kawhnak san hi ziangmi a si taa?

@Pennington

(Visited 29 times, 1 visits today)

Comments

comments

Comments

%d bloggers like this: