Thinlung Mitthlam In Suai

October 8

Tlawngkai Ninga

Thinlung Mitthlam In Suai

Siar:

John 14:1-6

Jesuh in a dungthluntu pawl hnenah, “Thinlung har le beidong in um hlah uh. Pathian zum uhla keimah khal i zum uh” a ti. John 14:1

Kumkhat Sung Baibal:

Isaiah 30-31

–   Filipi 4

Kan Kawhhran mino pawl in an ti thei tawkin “Vanram” an sak. Thaal thokpek rawl ei puai ah mino pawl in meitleu, puan neemzet le thilri dangdang thawn innkhanpi cu an ruah theimi vanram an sak rero.

Cumi puai ih an thutlangpi cu, “Ka Thinlung Mitthlam Lawngin Ka Suai Thei,” (I Can Only Imagine) timi MercyMe ih hla sungtaa a si. Kan fanu Mellissa cu Biakinn remnak ah a bawm ve. Ziang an bang ti ka va zoh tikah innbo par ihsin arsi zuk pawl a thlai ve rero. Puai zaan ah Melissa ih rualpi pakhat in an thutlangpi hla a sakmi kan nupa in kan ngai. Lamhlapi um Vanram an cawnmi ruat phah in. Zarh ruk a rei tikah Melissa in Vanram taktak ah in kaisan ding ti cu kan rak ruat baan lo. Ruah mennak cu a ngaingai ah a cang.

Jesuh in Vanram cu kan thinlung donharnak pawl daiternak ding hrangah in sim. “Thinlung har le beidong in um hlah uh. … Ka Pa ih inn ah innkhan tampi a um. … nan hrangah umnak rem dingah ka feh ding,” tiah Jesuh in a ti (John 14:1-2).

Vanram cu rem ciami thinlung hrangah hmun rem cia –  minung ih ruah ban loin a mawizetmi hmun, a nuamzetmi le a nasazetmi hmun a si. Zumtu kan duhdawt mi pawl Pathian ih a zohkhennak le nikhat ni ih kannih tla kan um venak ding hmun nuam a si. Vanram thu ruat in lungawi in um aw.     – Dave Branon

Bawipa in hmun rem ding in tiamkam,

Kan tlun Vancung ram nuam ah;

Amah le kan duhdawt mi pawl thawn,

Hmunkhat ih um caamcin dingah. – Sper

Jesuh in kan hrangah hmun a rem ih

cuih hmun ih um dingah kanmah in rem.

Comments

comments

Comments

%d bloggers like this: