Thinharnak Cazin

July 1

Tlawngkai Nili 

Thinharnak Cazin 

Siar:

Matthai 6:25-34

 

Thaisun hrangah donhar in um hlah uh.    -Matthai 6:34

 

Kumkhat Sung Baibal :

–   Job 20-21

–   Tirhthlah 10:24-48 

Suncaw ei tikcu ah thing daihneem tang ih ka mawttaw sungah donhar in thuhla phunphun ka ruat rero. Culaifang ah ka mawttaw sangka kiangah cepa a hmur ah pangang cep phah in a ra to ih i hun zoh. Cumi cepa in, Jesuh in Matt. 6:25-26 sungih a ttongmi i vun mangter, “Nan nunnak hrangah nan donhar hlah uh, … Van ih a zuangmi vate khi zoh hnik uh, annih in thlaici an tuh lo, rawl khal an khawm lo ih cuam sung khal ah an khawl lo. Asinan vancung ih a ummi nan Pa in a cawm thluh a si. Vate hnakin tampi nan sunglawi sawn a si lo maw?”

Kan dunglam kum reinawn ah Seminary magazine sungah Paul Borden in donhar tikih bawmtu ding ruahnak peknak thu cahram hiti’n ca a ngan: 

– Na donharnak pawl cazin tuah aw:

Sumpai, hnattuan, tu le fa pawl, harhdamnak, hmailam thu tivek pawl. 

– Na donharnak cazin cu thlacamnak cazin ah tuah aw:

Bawipa hnenah na thinharnak hmuahhmuah hlan aw. Na ttulmi zate Bawipa hnenah sim in Amah rinsan aw. 

– Na thlacamnak cazin cu cangvaihnak cazin ah tuah aw:

Na poihaimi tuah thei dingin ruahnak na neih asile tuah aw. Kan donharnak cu thlacamnak le cangvaihnak ih kan hman tikah, thinharnak cu kan nunnak ih ttulmi tuahnak ah kan hmang thei ding.     – David McCasland 

Atu zamrang in tuah aw!

Hmailam thu hrangah tlokciar rero hlah;

Na donharnak hmuahhmuah kha,

 Thlacamnak ah hmang sawn aw.  – Sper 

Thlacamnak ih na tuahmi in na donharnak a cemter ding.

Comments

comments

One Comment

  1. Lal Thawng Hum Sukte says:

    A tha ka ti nasa, thinhar nak hi cu kawl rei lo thei seh la, a tha ka ti bik mei ko.

Comments

%d bloggers like this: