Thinhar Dah Lo

January 8

Tlawngkai Nihnih

 

Thinhar Dah Lo

 

Bible Siar Ding: 1 Peter 2:4-8

 

Ca Thianghlim in, “A mankhungmi lungto ka hril ih, Zion ih

innkil-lungphun ah cuih lungto cu ka hmang. Amah a zumtu pohpoh cu ziangtik hmanah an mualpho dah lo ding,” a ti.

–         1 Peter 2:6

 

Si ngaingai sehla a tthatuk ding ti’n na ruat asile a si ngaingai ding. Hih tttongfang pawl hi television le internet sungih ka hmuh tinte’n keimah le keimah ralrinnak ka pe aw. Cuih ttongkam pawl in thinharnak tampi sung ihsin le sumsaw harsatnak sungin i runhim.

Kan zate’n midang pawl, thilri leinak, le umnak hmun tivek ih buaipinak kan tong cio thei. Kan ruahsannak a saang deuhdeuh tikah thinhar caan a tam deuhdeuh. Sikhalsehla, mi pakhat kan sungih a ummi Innkil-lungphun Jesuh Khrih cun ziangtik hman ah kan thin in harter dah lo ding.

Jesuh in A thutiamkam vek cekci in a phuang, ih cumi hnakih tamsawn in a langter. Amah in sualnak ih sal sungin pumhlum luatnak in pek ih sual man leiba cu veikhat ah kumkhua hrang daih in in kuan sak thluh zo. Pathian cu thutthentu si loin Pa vekin a hnenih pan ngamnak thluasuah in pek. A dikbik, a thianghlimbik duhdawtnak le lungawinak in tontehter.

Jesuh cu kan Innkil-lungphun a si caan ah kan ruahsannak saangbik cu ziangtik hman ah mualphonak a si dah lo ding.

 

Duhdawtmi ka Pa, Khrih lawng ka hngatsan tikah thinharnak ka nei lo ih ka lungawi. Sualnak ih cawhkuan, huham le hnaihnoknak ihsin ka luatnak thu hi midang hnenah sim le hlawm thei dingin in bawm aw.

Mualpho ding ttih ruangah Pathian rinsan ngam lo ko in tuahtu thil a um maw? Tuni ah himi thu ah a rahsuah (result) lang dingin Amah ka rinsan ding maw?

 

@Ava Pennington

Comments

comments

Comments

%d bloggers like this: