Thingrah Ihsin Zir Theimi

October 19

Tlawngkai Ninga

 

Thingrah Ihsin Zir Theimi

                                                           

Bible Siar Ding: Saam 1:1-6

 

Bawipa ih Daan thlun cu a lungawinak a si.

Cuih Daan cu a sun a zaan in a ruat.

– Saam 1:2

Pathian ih Daan Thu hi duh na lo cingin ka ngai le ka thlun caan a um ttheu. Asinan A Daan kan duh tikah, a sun a zaan in kan thinlung thuuk ih kan ruah tiakah, le lungawi teih kan thlun tikah kan hrangah thluasuah pe dingin thu in tiamkam. Saam cangantu in zumtu nun cu ttha teih ciinmi thingkung rah ttha a rahmi thawn tahtthim in kan hngatsan dingmi thluasuah phun thum in sim.

A pakhatnak ah, kannih cu rah ttha rah ding kan si. Thingthei kung sin a cingin rah malte lawng asilole rah zianghman a rah lomi thingkung cu a tumtah a hlawhtling lo. Pathian Ttongkam kan thinlung sungih kan ruah le A Daan kan thlun tikah A uknak ram sungah rah ttha rah dingin kan pek awk le kan hrangih a tumtahmi pawl kan kimter a si.

A pahnihnak ah, nunnak ih khat ding mi kan si. A harhdammi thinghnah pawl in thingkung hrangah nitleu kha rawl ih a canter bangin kannih tla Pathian in kan ttuan dingih a tumtahmi pawl tuahsuak thei dingah thazaang cahnak thawn khat ding kan si.

A pathumnak ah, kannih hi milian le mi neinung si ding kan si. Himi in bank ah paisa tamzet neih le mawttaw mangkhungzet pawl nei ding tinak a si lo. Kan len daan ding cu a danglam, midang thawn pehtlaih awknak tthazet neih, kan taksa damcak le kan thlarau nun huham cahnak thawn khahnak, asilole thuthangtha midang hnenih sim le hlawm thei tivekih milian si ding in duhsak. Kanmai’ hrangah thil ttha le Amai’ sunlawinak dingah ziangvekin kan lian ding timi cu Pathian ih khuakhan lairelnak a si.

Rah tampi rah theinak, nunnak, le lennak … a zate hi Pathian le A Daan kan duhnak ihsin ra dingmi pawl hlir an si.

Bawipa, Na Ttongkam a sun a zaan ih a ruat duhtu le

Na Daan thlun hi nuam a titu in siter hram aw.

Tuni ah Pathian in A Ttongkam ka ruahthukmi parin

Ziangmibik kha so thukzet ih re dingah in duhsak?

 

@Pennington

(Visited 33 times, 1 visits today)

Comments

comments

Comments

%d bloggers like this: