Thinglamtah Hlirsang Uh

July 17
Tlawngkai Nihnih

Thinglamtah Hlirsang Uh

Bible Siar Ding: Mipumsiarnak 21:4-9

Moses in nelrawn ah fung parih dar rul a thlai bangtuk in Mi Fapa khal thlai a si ve ding. Cutiicun Amah a zumtu hmuahhmuah cu kumkhua nunnak an ngah ding.
– John 3:14-15

Thinglamtah (Cross) parih mi thah cu camsiatnak tuar ih thihnak daan pakhat a si. Asinan tuni ah minung tamzet million ziangmawzat in Thinglamtah zuk cuangmi sui, ngun le thil phunphun ih tuahmi tthi cu an zumnak langternak ah an hngawng ah orh in ah a phunphun in an hruh cio. Zumlotu leitlungpi hrang ahcun electric tokham fate hngawng ah orh vek fang a si dingih cumi hnakin a sullam a nasa lemlo ding.

Israel miphun pawl ih khuaruahnak sungah tla tur nei rul pawl ih cuk tuar ih harsatnak an tonlai ah Pathian in thing parih dar rul zuk tar ding a rak fiallai ahcun a sinak a bang awk men thei. Pathian in Moses hnenah dar rul tuah dingin thu a pek, an natnak ai-awhtu rul zuk langternak a si ih cumi cu Israel mipi zate ih hmuh theih dingin tlunvan sangpi ah a thlaiter. Ka zoh asile ka dam rori ding timi rinnak thawn an zoh tikah an dam ding. Hril dingmi an nei: daar rul thlaimi zoh ih dam, asilole cumi cu zoh duh bembem loin damnak dang an hawl ahcun thih a si ko.

Thinglamtah parih thihnak a tuarnak thawngin Jesuh Khrih in hih leilung ih sualnak a laak ih Amai’ parah a phur. Cross kan hmuh tinte’n kan sualnak ih man leiba a kuan thluh zo timi thutak a thar in in theihter ringring. Amah cu rundamnak co theinak ding hrangah ruahsannak umsun a si. Hril ding kan nei: Cross zoh ih kumkhua nunnak co, asilole zoh duh loin damnak dang hawl tahrat ih thihnak tuar hi a si ko.

Kan Nehnak Thantar (Banner) in kna sinak in khaisang zo; thinglamtah cu vantlun ah hlirso a si. Cumi in Yahweh Nissi Jesuh Khrih neitu kan sinak a langter.

Yahweh Nissi, ka sualnak damternak dingah Jesuh Khrih kha Cross parih na thlai ruangah Na parah lungawithu ka sim.

Cross cu ka sualnak damtertu umsun a si ti’n rinnak in ka zoh maw?
Ka zoh lo asile ziangruangah ka zoh lo si pei?

@ Ava Pennington

(Visited 31 times, 1 visits today)

Comments

comments

Comments

%d bloggers like this: