Thingkung Bangin

February 5

Tlawngkai Ninga

Thingkung Bangin

Siar:

Efesa 4:11-16

Amah cu tiva kap ih a khomi thingkung, a tikcu ih rah a rahmi le a hnah tla a vuai dah lomi bangtuk a si. A tuahmi kipah a hlawhtling.    -Saam 1:3

Kumkhat Sung Baibal:

–   Suahlannak 36-38

–   Matthai 23:1-22

Ka netabiklam caan daite ah ka rak phun dahmi thingkung ziangtluk in a tthang ti zoh dingin ka timtuah. Kan dung kum 30 lai ih ka phunmi birch thingkung cu atu ahcun a tthangzet ih tukvirh leng ah kumtin caan kip ah a mawizet.

Thlarau ih kan zuamnak khal cuvek a si. Kan phun, tidai kan toih ih a tikcu bangin “thingkung note” cu ttha te’n kan zoh. Sihmansehla, Pathian lawngin “thingkung” ah a tuah thei.

Hlanlai ih thu ka rak simmi pawl hnen ihsin an thu ka thei ttheu ih zumnak ah an tthang ih Pathian in a hmang hngai, ti ka theih tikah ka lung a awi. Ka rak phun ih caan tawite sung tidai ka rak toih, ka rak kilkhawi ih ka bom hngaimi in, “Kan lu a simi Khrih sungah a phunkim in tthang ding kan si,” ti in ciingmangter (Efe. 4:15). Sikhalsehla “a tthantertu cu Pathian a si” (1Kor. 3:6-7).

Germany mi Pathian thulam thiamzet Helmud Thielicke in, “Suup awknak nei thei lo, lungawi thei lo, tumtahnak midang thawn tuah loin amah lawngte a tuahtu, amah lawng thingkung tthantertu cu a tar tikah umhar lungleng mi a cang leh ding,” ti’n  a ngan.

Curuangah atu ka kum hizat ah thingkung no pakhat hnih ka phun ding. Caan tamsawn cu ka zoh man dingih an tthan ka hngak ding.

Thlacamnak:

Bawipa, midang nunnak hrangah i hmang hram aw,

Nangmah thlun dingin ka bom theinak dingah;

Na Ttongkam ihsin i zirh aw, An sungah hna na ttuan ti

thei fiang dingin i bawm aw.  Amen

Khrih dungthluntu pawl in midang pawl khal

Amah thlun dingin an bawm thei.

(Visited 51 times, 1 visits today)

Comments

comments

Comments

%d bloggers like this: