Thing na ei phahphah maw?

Khuahlan kan pipu pawlin thlaihnah, thlairah ihsin damnak an rak hmusuak. Santhar fimnak sang sinsin khal in simum a phunphun an rawn hmusuak. Suahkeh (natural) thil kan coka ih kan ret kan ei theu mi thlai hnah thlairah ihsin damnak masak thuthup kan rak neih cia mi hngilh loih sawmdawl sinsin hi thangthar pawl ih kan tuanvo pakhat ah a si.

A liam cia kum 5000 lai ihsin thing hi rawlsuannak coka ah hmeh um lo caan ih ei theu dingmi men ih kan ret hi mifim thiam pawl cun damnak thuthup a si tin an rak phuang zo. Thing hin thawtnak le taksa hrangah thatnak tampi a nei. A hleice in thing kan ei tikih a thak serso kan timi khin kan pumpi ih hriksia pawl, pum naa tertu le rawl kan khai/keu dip theilomi pawl a rak rial dip ih khukrul tivek hrik thalo pawl a that theu.

Culawng hman siloin cui thak serso cun kan luak ti suaktu thahri pawl a cawlter theu. Sukso kan vah zik zawng ih kan ei theumi thing hin mawtaw, vanzawmleng le a dang lir theithil rit theinak ihsin mi a run suak theu.

Mawtaw le vanzamleng kan to hlan minit 15 duh hrawngah thing a hring lai tlep khat ahmi a silole thing phut hai khat hrawp cun mawtaw le vanzamleng ritnak in, mi a hum thei. Cun, taksa thling le ruhseh nei hrangah a tha sinsin. Zingzawi sang pawl ih hmuh daan vek a dik a si le mi 100 ah mi 65 in an taksa ruhseh hrangah thing an ngaih ih mi 100 ah 75 in an ruhseh le thling ah an ngaih tin an sim.

Kan taksa hma damnak hrang dingih simum kan hman vekin thing khal in kan taksa hmadamnak ding lawng siloin ruhseh lonak ding tiang in thatnak a nei. Hma ruang ih taksa thisen feh tha lo/fem, hrang khal ah damnak a si. Khawsik le taksa nuam tthuamtthi lo hrang khalah thing cun thisen fehnak lamzin a sial sak theu.

Thing rawh caar a si lole a phoromi in awmnat, khuhnat, awpit pawl khal a ti dam thei bet. Athianghlim mi thing, ah-khat/rawh carmi/ a pho ih pho ro mi raw lei tinte ei theu hi a tha. Ziang ruangah tile cui kan ei mi cun kan taksa ih ruhseh siseh luzing siseh a dangdang nat nepnawi te pawl cu theihlo lai ah a rak ti dam. Himi lawng siloin thing hin thatnak tampi a nei lai bet.

(Visited 149 times, 1 visits today)

Comments

comments

Comments

%d bloggers like this: