Thin Diriamnak Hawl

May 1

Zarhte Ni

Thin Diriamnak Hawl

Siar:

Isaiah 55:1-6

“Ziangahso rawl a si lomi hrangah paisa nan hman? Ziangahso pum puarter lomi thil hrangah nihlawh nan pek?”    -Isaiah 55:2

Kumkhat Sung Baibal :

1 Siangpahrang 10-11

–   Luka 21:20-38

Jigsaw Puzzle timi leknak cu ramzuk maw, a dang zuk pakhatkhat kha fatete in aat ttheh hnu ah cahnah, zialtlep, thingphen, thlalang tivek parah rem te’n ben saalmi leknak a si ih vun retfel ngah le cu mih thinlung di a riamterzet. Nunnak khal cuvek cu a si ve. A tthekdarh awmi thil fatete a zate vun finkhawm in a famkimmi pakhat ra cang dingih tuahnak ah kan tikcu caan kan hmang.

A caancaan cu thil tthen fate pakhat a hlo a bang ttheu. A dik lomi thil tthen kan hawl rero tla a si thei men. Nunnak ih hmun laibik ah Pathian a ret lotu cu thil thupibik hlotertu an si kan thei ko na’n kan thupitter lo pang maw?

Biakinn Pathian biak khawmnak ah hmaan te’n kan ra ko na’n kan nunnak ih hmun laibik ah Amah um loin thinharnak in kan khat pang maw? A caancaan ahcun Pathian thawn hlat awzet vekin kan thei aw. Cumi in sual tuahnak a olter sin ih thil thupi pakhat sambau ih theih awknak khal a suahter sin.

Pathian thawn hlat awknak ih kan thlen hmanah kan Pathian cun a kiangnai ih kan um ding in duhsak. Profet Isaiah hmangin, “Ziangahso rawl a si lomi hrangah paisa nan hman? Ziangahso pum puarter lomi thil hrangah nihlawh nan pek? I ngai uhla ka simmi vekin tuah uh; rawl lakih a tthabikmi nan ei dingih nan nun a nuam ding,” (Isa. 55:2) tiah mi hmuahhmuah in sawm.

Na nunnak ah thil pakhatkhat a sambau asile Pathian lawng hi a tlamtlingmi diriamnak lo pe theitu a si ti kha ciingmang saal ringring aw. Amah in na nunnak ih a sambaumi zuk kha famkimter seh. – Joe Stowell

Pathian pianhmang kan thinlung ih hmun lawng cu,

Hlawnthil in a khahter thei lo;

Pathian lawngin a di a riamter thei,

Kan tah thei lomi thil a si. – Sper

Jesuh lawng ih diriamter theimi hiarhaalnak,

thinlung zate sungah a um.

(Visited 26 times, 1 visits today)

Comments

comments

Comments

%d bloggers like this: