Thilri Kuat Miat le Sung

Thansoh Bawmtu Part – 3

THILRI KUAT MIAT LE SUNG

Pursum company vekin rampi in leitlun ramleng ih thil le ri a kuat tikah a suak alut mi thilri parah kenah hlo lo dingin a zohfiang ringring atul. Ahleice in cazin felfaiten aneih tengteng atul. Cuih cazin  cu kum cem zawngah a zohsal tengteng ding.
Ram pakhat ih thilri cu a fiakbik in vun zoh sehla rampi athangso maw so lo, ziang tiang kan thleng timi atheihtheih. Hih afiakbikpawl cu CD, Zu palang, Bike ..ect.. pawl an si. Ramlengih thilri kuatawknak ih kan hman tlangpi mi vanzam, long ihsin kan kuatmi thilri pawl cu ziangtlukin ramsung ramleng thilri asuak timi trade balance ah hmuh theih an si.

A tlangpi sumlut cazin ahhin kan kuat suak mi lawng siloin kan thilri kuat mi suak le lut lak ihsin kan theihlomi thil te neuhneuh an um ding. Cupawl felfaiten kan thei thluh lo ding nain leitlun ram cangkang Bank hnatuan, cazin kaitu, khual tlawng veivakpawl khalin an thilri kuatmi ate bik tiang an hmu thluh lo nain sumpai kuatawknak  le thilri kuatawknak hnatuan tumpi pi an tuan thei asi, an tuan rero. Khual tlawng pakhat in hotel le restaurant ah a hrang tulsammipawl alei vek khi asi. Ramleng ihsin ramsung thilri an ra thlengih ram mi in kan lei ih kan hman vekin  Lemcang nuamawknak le bank hnatuan vekin tulsammipawl hrangah ram sung ih fangfai dip khat kan lei vekin sumpai hman ding asi.

Atlangpi sumlut cazin sungah ramsung thilri kuatman amiat asile cuihram sungih sumlut cazin ah sumhleifuan tiangin alang ding asi. Cuvekin thilri kan kuat mi hnakin kan ngahmi amal sawn tikah cuih cazin sungah asung cazin in alangsal thotho ding. Sumlut hnakin sumsuak atam sawn theu ruangah asi.

Kan thilri kuatmi amiat le sung danglamnak hi kan sumpai hman mi ihsin kan zohsal ding. Cazin sungah amiat asile kan kuatnak ram ah sumhram va tauh thei ding tiangin sum cazin ah amiat alang ding. Cuvekin kan thilri kuatmi kan sun ahcun ramsungih kan bakmi sumpai ruangah ramleng ih kan kuatnak ih paisa cawi ding tiangih kan hawl atul ding. Cuvekih tikcu sum kan hawl thei lo asile kan zalte sungta hman ding lawng atang.

Ram pakhat ih thilri kan kuatnak cazin zohfiangnak olbik le kaubik cu kutsungtang (balance of payment) ihsin asi. Himi kutsungtang sungah leitlun ramtinkim ih kan kuatmi thilripawl (transfer of funds) telh asi. Cuih tlunah ramsungih punghman angahmi sumpai , apeksuak mi sum le sumlut sumsuak angahmi cazin cu atawizawngih khaikhawmnak khal telh ding asi. Cuihnu ah neitabik sumsuak sumlut akaih maw kaih lo tiah cazin zohnak(accounting period) ah ti thepthep in bangaw dingin zohfelnak tuah tengteng ding asi.

Cutikah ramlengih kum khat sung thil le ri  kan kuatmi banhla, motor, sumhram le sumsuak pawl ramtinkim thilri kuatnak le sumhramtauhmipawlih neitabik cazin asimi cuih cazin zohfelnak neitabik ah ziangkim in an langsal thluh ding asi

Comments

comments

Comments

%d bloggers like this: