Thilrem Thiamzet

July 28

Tlawngkai Nithum 

Thilrem Thiamzet 

Siar:

Jeremiah 6:14-20 

“Lamzin ttek ah ding uhla khuacuan uh. Khuahlan lamzin le lamzin  tthabik khui ah so a um? tiah sut uh! Cuih lamzin in feh uhla thlangamzet in nan um ding” a ti.   – Jeremiah 6:16 

Kumkhat Sung Baibal:

–   Saam 46-48

–   Tirhthlah 28 

Thil siatmi nangmah te’n na remh tum nai’n a remcang thei lo asile mawttaw remnak dawr hmai ih ca an taarmi: ‘Na pasal ih remmi kan rem thei’ timi hi ttha na ti ve men ding. Buainak cu mawttaw thu ah siseh, thil dangdang siseh, a thiamtu hnenih ap le remter a tthabik. 

Cuvek tthiamtthaim in kan sunglam nun ih sualnak thawn pehpar aw in siseh, kanmahte buainak sung ihsin suak thei dingih kan zuam awk reronak in siseh dawnkhamtu pawl cu thilrem thiamzettu hnenah ap in remter a tthasawn a si. 

Jeremiah in a sanlai ih Pathian minung pawl ih natnak kha a ttha ko, a ttha thluh ko, ti ih a titu profet pawl le puithiam duhham pawl a mawhsiat hngai (Jer. 6:14). Anmah khal an thlengh aw thei lo ih midang ih nunnak khal an thlengh sak thei lo. Curuangah Bawipa in a thu than dingah a milai pawl a ko, “Lamzim ttek ah ding uhla khuacuan uh. Khuahlan lamzin tthabik khui ah so a um? tiah sut uh. Cuih lamzin in feh uhla thlangamzet in nan um ding” (c.16) tiah a ti. 

Kum tampi a rung rei hnu ah Pathian Fapa Jesuh in, “Thilrit a phur mi le retheih zonzaih a tuar mi pawl ka hnenah ra uh, colhdamnak ka lo pe ding” (Matt. 11:28) a ti. Kanmahte kan nunnak ih buainak pawl kan remh awk thei lomi cu Pathian kutcak ah kan ap asile Amah in a tthabik in in remh thei. Khrih sungih kan zumnak in ziang hmuahhmuah kan tuah thei.   – David McCasland 

A siat ttheh zomi na nunnak,

Bawipa Jesuh zumnak in na remh saal thei;

Hmaisa tuarnak cu neta hlawknak le,

Hman tlakmi ah a tuah saal ding.  – Hess 

Pathian in mi a ngaidam tikah,

an sualnak a hlon sak ih nunnak thar a pek.

 

(Visited 15 times, 1 visits today)

Comments

comments

Comments

%d bloggers like this: