Thilmak Danglam Zet Lungto Nung

10426835_1424659254475490_88321937729003019_n

Salai Samuel

Ka rualpi pakhat hnenin Khampat kiangah lungto nung a um ti in in sim tikah ka lung a lut zet. Lehlamah cuvek thil cu a um ngai ngai pei maw ti in ka ruat. Thil um dan thei fiang dingin Khampat lam pan cun rualpi pakhat thawn kan pawk. A umnak hi Khampat vengṭhen Nan Sanpiah a si ih a umnak hawlin can tawkfang nawn cu kan rei. A umnak cu kan va hmu ngah ih a neitupa rori cu cui lungto um dan thuhla ka sutih a hnuailam vekin in sim. “Rethei zet innsang kan si vekin Tamu lamah thing at dingin kan feh ṭheu.

 

Tumkhat kan feh cu zan ka mangah fala pakhat ka hmu ih cui fala cun in rak uar zet hi a si. Amah cu mi neinung ngai ngai a si nan a hmel a se deuhih neih ding ngai ngai cun ka rak duh ciah lo. Zan ittlang dingin in sawn nan ka rak el. Cutin a thaizing ka ṭhangih ka rualpa thawn thawhhlam ei thluhin kan feh. Lamzinah hi lungto ka hmu. Then thum ṭhenhnih tluk cu leilung sungah a pilih malte lawng a lang. Cutin ka lai ih kan sar. Ka thei cuang lo nan danglam zetih ka hmuh ruangah ka ret ṭha. Zarhkhat sung cu ka ret men.

Thing ah kan ṭhehin khua ahcun kan tlungih ka thil sar mi mi in an theih tikah an ra zoh. Kan vengah Shan mi pakhat a umih cu mi in thil a thei an ti ruangah ka va pan. Lungto cu tidai tel lo ih ka ter thu ka sim tikah zamrang zetih tidai ih ret dingin in simih cutin bel sungah tidai thawn kan vun ret cu a rak nunglai a si. A nung ti theih theinak cu ti phul tete a ti suak hi a si.

Cun fangfai fang 22 ka ret sinih a thai zingah fang 17 lawng a tang. Cutin rawl a ei thei a si hi ti in nitin rawl kan pe ring ring. Ni hnih veikhat tidai thleng a ṭul. A ek thawh mi si ding ti ih kan ruahmi man in tidai a ti bal ruangah thlengih amah khal khawlhfai a ṭul. Rawl a ei ih ek a thawh kan ti nan a rawl ei lai le ek a thawh lai cu hmuh ding a um lo. Tu hi ka neihnak thla li nga lai a kim zo a si” ti in Meifar ah a sim. Hi thuhla ah a theifiang duh le mah rori ih hmu duh kan um a sile Khampat thlen zawng, Nan Sanpiah vengih Pa Phun Suak hnenah va zoh a theih ring ring a si.

(Visited 1,653 times, 1 visits today)

Comments

comments

One Comment

  1. A ha nasa, rawl tla hiha in pe uh la a ha ding, awl te thiam pei mw. Aman a ha vio ding, Manga.

Comments

%d bloggers like this: