Thil Thupi Hrangah Kekar Fate

 

July 20

Tlawngkai Nikhat

 

 

 

Siar:

Efesa 4:17-24

 

“Nan thinlung le nan ruahnak a zate in sersiam tharmi si ttheh uhla.”

– Efesa 4:23

 

Kumkhat Sung Baibal:

–   Saam 26-28

–   Tirhthlah 22

 

969 kum July thla ah Georgia peng Fort Benning hmun ah US raalbawi tindaan ka kai. Nasazet le thupizet in in zirh ciamco ih cawlhnak caan malte lawng kan nei ttheu. July 20 ni zaanlam cu kan zate’n khaan kaupi sungah TV hmai ah in toter ih, “Himi hi thuanthu a si,” tiah in sim.

 

Mangbangzet in Apollo 11 thawn thlapi par tlawngtu Neil Armstrong cu kan zoh. Thlapi parah ke ih pal hmaisabiktu leitlun mi a pakhatnak a simi pai’ ttongmi cu: “Himi hi mi pakhat hrangah kekar fate pakhat a si ko na’n; ram mipi hrang ahcun a tumzetmi kekar saupi a si,” a ti. Zaan dang vekin curfew khal um loin siimpi tiang kan ttong rero. Kan zohmi thu lawng si loin kan nunnak, Pathian le kumkhua thu tivek pawl kan rel. Kan tuah keel kan cawl ih thil um ngaingaimi ah thungai thlak in kan ngaihtuah.

 

Kan zate in nitin kan khawsak daan hi kan thlir tthat a ttul. Punghman tein Pathian thawn pehtlaih awknak ih a suahpimi cu: Kan hnattuan ttulzetmi cawl taa lawk, hmanhman te’n tuahmi thil cawl, Bible siar le thlacamnak in Pathian lawnglawng ruah a si. Paul in kan ruahnak, kan tuahnak thlengh awk ding in fial: “Nan thinglung ruahnak a zate in siam tharmi si ttheh ding a si, “(Efe. 4:23) a ti.

 

Khrih kan zumnak sungih kan nitin nunnak ah kekar fate cu hlapi kaat theitu a si.

 

Kekar fate cu hlatpi a kaat thei,

Nitin zumnak ah kan tthang ding;

Hih kekar hi Pathian thawn nan um tlang caan a si ahcun,

A thu siar ve thlacam in.

 

Zumnak ih kekar fate pakhat cu tthanlennak kekar tumpi a si.

(Visited 33 times, 1 visits today)

Comments

comments

Comments

%d bloggers like this: