Thil Tha Lo Cu Thil Tha Nan Ti

 

May 26

Tlawngkai Nihnih

 

Thil Tha Lo Cu Thil Tha Nan Ti

 

Siar:

Isaiah 5:18-23

 

Nan cem a si. Thil ttha lo cu thil ttha nan ti ih thil ttha cu thil ttha lo nan ti.     – Isaiah 5:20

                  

 

Kumkhat Sung aibal:

   1Sansiarnak 28-29

   Johan 9:24-41

 

The Wizard of oZ thuanthu hi kum rei nawn a laar. Upa nauhak ti loin mi hmuahhmuah in cuih thuanthu sung um lemcang pawl ih nuncan ziaza ihsin thu tampi an zir ngah. Mi hrokhrawlzet hnam neinu ih nunzia in tthat lonak cu  fiangzet in a langter nain tthatnak in a neh thotho.

           

Cuih thuanthu thotho phun dang deuh ih ngan saalmi ahcun a hrokhrawlzet mi hnam-neinu cu zaangfahza in a lang. A hring rong (green) vun a neih ruangah mi ih hmuh sual mi zaangfahza a si ih casiartu pawl in a ttha lomi kha a ttha, a tthami kha a sia tiin ruah a olte.

           

Profet Isaiah sanlai ah hivek ruah daan linglet hi Israel mi pawl lakah a um dah. Mihrek cun mithah, milem biak, le nupa sualnak tuah hi thil ttha ah an ruat. Isaiah in raalrinnak a pek hngai. “Nan cem a si! Thil ttha lo cu thil ttha nan ti ih thil ttha cu thil ttha lo  nan  ti. Thimnak cu tleunak ah nan cangter. A khaami cu a thlum ah nan tuah ih a thlum cu a khaa ah nan tuah a si” a ti (Isa. 5:20).

           

Atu kan san khalah nunphung thar in Baibal ih thudik a sawm-ngiar ringring. Sikhalsehla Pathian Ttongkam zirnak le zoh lo ngah in thinlung ih ciinken, ruatthuknak in thil ttha le thil sia fiangte’n kan thleidang thiam ding.

 

Kan san ih nitin kan nunnak ah,

A caancaan ah thil sia cu a hmai a hup aw;

A dikmi thleidan thiamnak hrang Bawipa rinsan aw,

Ka dil ahcun fimnak in pek.

 

Thudik kan theih ahcun thil sual kan thleidang thiam ding.

(Visited 23 times, 1 visits today)

Comments

comments

Comments

%d bloggers like this: